Hokkeı • 20 Mamyr, 2022

Búgin qazaqstandyq hokkeıshiler Slovakııaǵa qarsy oınaıdy

23 ret kórsetildi

Shaıbaly hokkeıden álem chempıonatynda Qazaqstan quramasy búgingi kezekti oıynyn Slovakııaǵa qarsy ótkizedi, dep habarlaıdy Egemen.kz.

Álem chempıonantynda Qazaqstan quramasy A tobynda synǵa túsip jatyr. Qarsylastary - Kanada, Slovakııa, Germanııa, Danııa, Shveısarııa, Italııa jáne Fransııa.

Buǵan deıin qazaqstandyq hokkeıshiler Danııa, Fransııa, Shveısarııa jáne Kanada quramalarynan jeńildi.

Ázirge Qazaqstannyń qorjynynda upaı joq. Al nebári úsh upaı enshilegen Slovakııa týrnır kestesinde altynshy orynda keledi.

Eki qurama buǵan deıin 7 márte kezdesken. Onyń beseýi Slovakııanyń jeńisimen aıaqtalsa, bir oıynda teń nátıje tirkeldi.

Al 1998 jyldyń 10 aqpanynda Qysqy Olımpıada oıyndarynda Qazaqstan atalǵan qarsylasyn 4:3 esebimen jeńgen edi.

Kezdesý elorda ýaqytymen 23:20-de bastalyp, «Qazsport» teleranasy arqyly tikeleı efırde kórsetiledi.

Aıta ketsek, Álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar