Qazaqstan • 20 Mamyr, 2022

Aqjaıyq rezervatynyń aýmaǵynda órt boldy

29 ret kórsetildi

Atyraý oblysyndaǵy «Aqjaıyq» memlekettik tabıǵı rezervatynyń aýmaǵynda qamys órtendi. Oblystyq tótenshe jaǵadaılar departamenti qoǵammen baılanys tobynyń málimetinshe, órt 19 mamyrda tutanǵan, dep habarlaıdy Egemen.kz.

«Kaspıı teńiziniń jaǵalaýyna ǵaryshtan monıtorıng júrgizý kezinde 19 mamyr saǵat 16:15-te «Aqjaıyq» tabıǵı rezervatynyń aýmaǵynda órt oshaǵy tirkeldi. Rezervat qyzmetkerleriniń málimetin tekserý kezinde qamys órtiniń Atyraý qalasynan 25 shaqyrym qashyqtaǵy Kaspıı teńiziniń jaǵalaýynda tutanǵany anyqtaldy. О́rttiń aýmaǵy - shamamen 5 gektar», dep habarlady departamenttiń qoǵammen baılanys toby.

О́rt sóndirýge «Aqjaıyq» memlekettik tabıǵı rezervatynan 10 adam, 2 qaıyq, 2 motopompa tartylǵan.

19 mamyrda 3 gektar aýmaqtaǵy órt sóndirildi. Jalyndy sóndirý áli de jalǵasyp jatyr.

Aıta ketsek, bul «Aqjaıyq» memlekettik tabıǵı rezervatynyń aýmaǵynda tirkelgen alǵashqy órt emes. Budan buryn 21 sáýirde atalǵan rezervatta 9 gektar qamys órtenip ketken edi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar