Bıznes • 20 Mamyr, 2022

Qazaqstanǵa Omby oblysynyń bıznes delegasııasy keldi

23 ret kórsetildi

RF Omby oblysy ekonomıka mınıstriniń orynbasary Konstantın Chýlovskıı bastaǵan delegasııa Nur-Sultanǵa keldi. Iskerlik sapar barysynda aýyl sharýashylyǵy, mashına jasaý, bilim berý sekildi keń aýqymdy salalardaǵy yntymaqtastyq perspektıvalary talqylandy, dep habarlaıdy Egemen.kz.

Sharany Qazaqstannyń Reseıdegi elshiligi men «KAZAKH INVEST» UK» AQ qoldaýymen «Atameken» Ulttyq kásipkerler palatasynyń Syrtqy saýda palatasy uıymdastyrdy.

Sapar aıasynda qos taraptyń 60-qa jýyq kompanııalary qatysqan «Kásipkerlerdiń baılanys bırjasy» ótip, Nur-Sultan qalasy ákimdiginiń ókilderimen ekijaqty kezdesýler uıymdastyryldy.

Delegasııa atap ótkendeı, Qazaqstanda qolaıly ınvestısııalyq ahýal men bıznesti damytýǵa jaǵdaı jasalǵan. RF Omby delegasııasyna ınvestısııany qoldaý salasyndaǵy jańa memlekettik sharalar, Qazaqstan Respýblıkasynyń arnaıy ekonomıkalyq jáne ındýstrııalyq aımaqtarynyń múmkindikteri, sondaı-aq eldiń basym salalardaǵy potensıaly tanystyryldy.

Is-sharany ashqan Konstantın Chýlovskıı Qazaqstannyń ekonomıkalyq ósý qarqynyn, joǵary ınvestısııalyq tartymdylyǵyn oń baǵalap, reseılik bıznes tarapynan qyzyǵýshylyqtyń artyp kele jatqanyn atap ótti. Ol RF Omby oblysy men Qazaqstan arasyndaǵy taýar aınalymy 380 mln dollardan asqanyn aıtyp – bizdiń el Omby óńiri úshin nómiri birinshi seriktes ekenin alǵa tartty.

«KAZAKH INVEST» UK» AQ ókili Altynaı Muqanova Qazaqstandaǵy bıznes-klımat, sondaı-aq onyń ınvestısııalyq múmkindikteri týraly egjeı-tegjeıli aıtyp berdi. Ol sondaı-aq óz sózinde is-sharaǵa qatysýshylardy Qazaqstannyń ekonomıkalyq damýyndaǵy jetistikterimen, Qazaqstan-Reseı saýda-ekonomıkalyq yntymaqtastyǵynyń perspektıvalyq baǵyttarymen, sondaı-aq Qazaqstan Úkimetiniń eldegi ınvestısııalyq klımatty odan ári jetildirý boıynsha qabyldap jatqan sharalarymen tanystyrdy.

О́z tarapynan RF Omby kompanııalarynyń ókilderi jınalǵandardy ózderiniń qyzmet aıasymen tanystyryp, Qazaqstan-Reseı ınvestısııalyq yntymaqtastyǵyn odan ári damytýǵa qatysty kózqarasyn usynyp, jańa birlesken jobalardy júzege asyrýǵa qyzyǵýshylyq tanytty.

RF Omby delegasııasynyń Nur-Sultanǵa sapary aıasynda «Omby agrarlyq ǵylymı ortalyǵy» men «Ulttyq agrarlyq ǵylymı-bilim berý ortalyǵy» KEAQ arasynda kelissózder júrgizildi. Qonaqtar A.I.Baraev atyndaǵy astyq sharýashylyǵy ǵylymı-óndiristik ortalyǵynda bolyp, olar dándi, burshaq, kópjyldyq shópter men kartop ósirý jáne tuqym sharýashylyǵy tájirıbesimen, sondaı-aq, ekologııalyq taza ádister men energııa únemdeıtin tehnıkalyq quraldar negizinde astyq, burshaq jáne mal azyqtyq daqyldardyń agrotehnologııalaryn jetildirýmen tanysty.

RF Omby delegasııasynyń «Astana Invest» basshylyǵymen kezdesýi barysynda reseılik kompanııalarmen, atap aıtqanda «Omby elektromehanıkalyq zaýyty» AQ jáne «BIORESURS» JShQ, birlesken kásiporyndar qurýǵa múddeli qazaqstandyq kompanııalardyń tizimin daıyndaý týraly kelisimge qol jetkizildi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar