Aımaqtar • 21 Mamyr, 2022

Aqtóbe oblysynda 15 jastaǵy balaǵa naızaǵaı túsip kóz jumdy

24 ret kórsetildi

Aqtóbe oblysynda er adam men jaspóspirimge naızaǵaı túsip, saldarynan bireýi qaza boldy, dep habarlaıdy  Egemen.kz Tótenshe jaǵdaılar departamentine silteme jasap.

Qaıǵyly oqıǵa 20 mamyrda Belogorka aýylynda bolǵan. Kóshede kele jatqan 15 jastaǵy jasóspirim men 27 jastaǵy jigitke jaı túsken.

«20 mamyrda saǵat 19:15-te Aqtóbe oblysy Tótenshe jaǵdaılar departamentiniń kezekshi-dıspetcherlik qyzmetiniń basqarý pýltine Belogorka aýylyndaǵy turǵyn úıdiń janynda eki adamǵa naızaǵaı jarqyly túskeni týraly habarlama kelip tústi. Oqıǵa ornyna kelgen boıda 2007 jyly týǵan balanyń kóz jumǵany anyqtaldy, al 27 jastaǵy er adam Aqtóbedegi jedel medısınalyq járdem aýrýhanasyna jetkizildi. Qazirgi ýaqytta onyń densaýlyq jaǵdaıy turaqty», dep habarlady TJ departamentinen.

Aqtóbe oblysynyń Tótenshe jaǵdaılar departamenti qaýipsizdik erejelerin saqtaýdy eske saldy. Atap aıtqanda, bıik aǵashtar men elektr jelilerdiń janynda turýǵa bolmaıdy. Naızaǵaı kezinde sýǵa túspegen jón. Sebebi jaı tússe, sý arqyly mert qylýy ábden múmkin.

«Sondaı-aq qolda uzyn temir zattardy, máselen, qarmaq pen qolshatyrdy ustamaý qajet. Sol sııaqty temirden jasalǵan qurylystardan alys júrgen durys. Telefonmen qońyraý shalmańyz. Ol qurylǵy qosylyp tursa da, naızaǵaı túsýi múmkin», dep eskertti departament mamandary.
 
Naızaǵaı kezinde metall zattardy da taqpaǵan jón.

Aıana Toǵanbek

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Álemde altyn arzandady

Álem • Keshe

Uqsas jańalyqtar