«Rahat» AQ jáne «LOTTE Confectionery» kompanııasy Naýryz merekesine oraı Almaty oblystyq №1 balalar úıinde qaıyrymdylyq sharasyn ótkizip, ıgilikti is atqardy.
Qazaqstandyq belgili brend «Rahat» AQ pen atalǵan balalar úıi arasynda izgi nıetke toly qarym-qatynas ornaǵanyna jıyrma jyldan astam ýaqyt bolypty. Osy kezeń ishinde kompanııa balalar úıiniń tárbıelenýshilerine tátti syılyqtar tartý etip, Jańa jyl, Balalardy qorǵaý kúni, mektep bitirý keshi sııaqty basqa da merekelerde balalardyń qýanyshyn eseleı tústi. Elimizdiń kemel gımnimen qosa «Armandastar» áni shyrqalǵanda balalardyń qolyndaǵy «kópti kórgen» kóne aspaptar daýsy tyńdaýshylardy tánti etti. Budan keıin ekskýrsııa júrgizilip, balalar men tárbıeshiler mundaǵy tárbıelenýshilerdiń turmys-tirshiligimen tanystyrdy, oıyn bólmelerin, kompıýter synyptaryn, teledıdar qoıylǵan keń foıelerdi kórsetti.
Degenmen, balalardyń basty baılyǵy – daryndylyǵy. Munda ár bala jany qalaıtyn, qabiletine saı isti tabýǵa tyrysady, olar úshin súıikti is – keskindememen qosa san alýan tehnologııa boıynsha qolóner týyndylaryn jasaý, mýzyka men bı. Úsh jasar búldirshinder sheberligi jaǵynan on alty jastaǵy jetkinshekterden qalyspaıtyn bı tobynyń almaıtyn qamaly joq sııaqty, qazaq bıiniń náziktigin, lezgınkanyń mánerliligin, gopaktyń jalyndy jastyǵyn, orys bıiniń yrǵaqtylyǵyn, qara jorǵanyń ózindik ereksheligin de baldyrǵandar naqyshyna keltire oryndady.
Balalar respýblıkamyzdaǵy kóptegen ulystyń ulttyq bıleriniń boıaýyn barynsha asha tústi. Qos Volodıanyń dombyrany asqaqtata tartýyna, 12 jastaǵy Samat Andreevtiń daýysynyń áýezdiligine qalaı súısinbessiń! Samatty qurbylary «juldyz» dep ataıdy. Ol – kórkemsóz oqý baıqaýynyń jeńimpazy. Almaty qalasynyń basty mádenı oryndarynda konsert júrgizedi. Bıshiler de marapattan kende emes, jaqynda olar halyqaralyq bı baıqaýynda ýkraın halqynyń shabytty bıin oryndaǵany úshin bas júldege ıe bolypty. Munyń bári – jetkinshekterdiń eńbektenýi men olardyń tárbıeshileri, ustazdary men horeograftardyń jumyla ter tógýiniń nátıjesi.
Elimizdegi halyqtar dostyǵyn qasterleý Naýryz merekesiniń negizgi taqyrybynyń arqaýyna aınalypty. Balalar kóptegen ulttardyń shyǵarmashylyǵyn kórsetýge tyrysty.
– Jas ártister shoqjuldyzynyń shynaıylyǵy men daryndylyǵyna tántimin, – deıdi merekeniń máresinde «Rahat» AQ basqarma tóraǵasy Aleksandr Zenkov. – Balalardyń barlyǵyn «Rahattyń» táttilerinen syılyq jasap, qýantý – biz úshin mártebe.
Qaıyrymdylyq dástúriniń jalǵasa beretinin «Rahat» AQ basqarma tóraǵasynyń orynbasary Son Djong Sık myrza da atap ótti. Qoǵam aldaǵy ýaqytta da balalarǵa beriletin kómek kólemin ulǵaıtyp, qazaqstandyq brendtiń basqa da dástúrlerin jalǵastyrýdy josparlaýda. О́nim sapasy da ózgermeıdi, onyń túr-túri kóbeıip, taratylý aımaǵy da keńeıedi.
– Shymkentte jańa óndiris alańymyz bar, – deıdi Son myrza. – Qazirgi kezde marketıngtik zertteýler júrgizilýde. Sonyń negizinde «Rahat» jáne «LOTTE» ónimderiniń assortımentin arttyrýmen kompanııanyń aldaǵy qyzmeti aıqyndalady.
Sońǵy birneshe onjyldyqtar boıy «LOTTE Confectionery» Ońtústik Koreıanyń kondıterlik naryǵynda №1 oıynshynyń ustanymynda. Kásiporyn sonymen birge, Azııadaǵy nómiri birinshi kondıterlik kompanııaǵa aınalý úshin óziniń strategııalyq maqsatyna sáıkes Ońtústik Koreıadan shet aımaqtarda jańa naryqty ıgerýde.
Qaıyrymdylyq kómek kórsetý – kompanııanyń Qazaqstandaǵy jalpy áleýmettik saıası mańyzdy baǵytynyń biri bolyp qala beredi.
«Rahat» kóp jyldardan beri «Speshıal Olımpıks Qazaqstan» Almaty fılıalyna, «Januıa» mamandandyrylǵan keshenine, № 7 mektep-ınternatqa, «SOS Balalar aýylyna» jáne taǵy basqalarǵa kómek qolyn sozyp júr. Kompanııa múmkindigi shekteýli balalarǵa, jetimder men turmysy nashar otbasylardyń balalaryna arnalǵan túrli sporttyq, mádenı, merekelik sharalardyń ótkizilýine de qoldaý kórsetip, soǵys jáne eńbek ardagerlerin, múgedekterdi, zeınetkerler men ınternasıonalıst-jaýyngerlerdi, tamaq ónerkásibi salasynyń ardagerlerin de nazardan tys qaldyrmaıdy.
«Rahat» AQ ekonomıkalyq qıyndyqtarǵa qaramastan, keleshekke nyq senimmen aıaq basýda. Qazirgi zamanǵy tehnologııalyq jabdyqtarmen jaraqtanyp, joǵary bilikti mamandardan quralǵan kásiporyn sapasy joǵary ónim shyǵaryp, túrin kóbeıtýge umtylyp, qaptaý-oraý ádisterin jańasha túrde óndiriske engizýde. Osynshama kúsh-jiger qazaqstandyqtardyń dastarqanynan «Rahat» kámpıtteriniń úzilmeýine negizdeledi.
Marat AQQUL,
«Egemen Qazaqstan».
ALMATY.
Qazaqstandyq belgili brend «Rahat» AQ pen atalǵan balalar úıi arasynda izgi nıetke toly qarym-qatynas ornaǵanyna jıyrma jyldan astam ýaqyt bolypty. Osy kezeń ishinde kompanııa balalar úıiniń tárbıelenýshilerine tátti syılyqtar tartý etip, Jańa jyl, Balalardy qorǵaý kúni, mektep bitirý keshi sııaqty basqa da merekelerde balalardyń qýanyshyn eseleı tústi. Elimizdiń kemel gımnimen qosa «Armandastar» áni shyrqalǵanda balalardyń qolyndaǵy «kópti kórgen» kóne aspaptar daýsy tyńdaýshylardy tánti etti. Budan keıin ekskýrsııa júrgizilip, balalar men tárbıeshiler mundaǵy tárbıelenýshilerdiń turmys-tirshiligimen tanystyrdy, oıyn bólmelerin, kompıýter synyptaryn, teledıdar qoıylǵan keń foıelerdi kórsetti.
Degenmen, balalardyń basty baılyǵy – daryndylyǵy. Munda ár bala jany qalaıtyn, qabiletine saı isti tabýǵa tyrysady, olar úshin súıikti is – keskindememen qosa san alýan tehnologııa boıynsha qolóner týyndylaryn jasaý, mýzyka men bı. Úsh jasar búldirshinder sheberligi jaǵynan on alty jastaǵy jetkinshekterden qalyspaıtyn bı tobynyń almaıtyn qamaly joq sııaqty, qazaq bıiniń náziktigin, lezgınkanyń mánerliligin, gopaktyń jalyndy jastyǵyn, orys bıiniń yrǵaqtylyǵyn, qara jorǵanyń ózindik ereksheligin de baldyrǵandar naqyshyna keltire oryndady.
Balalar respýblıkamyzdaǵy kóptegen ulystyń ulttyq bıleriniń boıaýyn barynsha asha tústi. Qos Volodıanyń dombyrany asqaqtata tartýyna, 12 jastaǵy Samat Andreevtiń daýysynyń áýezdiligine qalaı súısinbessiń! Samatty qurbylary «juldyz» dep ataıdy. Ol – kórkemsóz oqý baıqaýynyń jeńimpazy. Almaty qalasynyń basty mádenı oryndarynda konsert júrgizedi. Bıshiler de marapattan kende emes, jaqynda olar halyqaralyq bı baıqaýynda ýkraın halqynyń shabytty bıin oryndaǵany úshin bas júldege ıe bolypty. Munyń bári – jetkinshekterdiń eńbektenýi men olardyń tárbıeshileri, ustazdary men horeograftardyń jumyla ter tógýiniń nátıjesi.
Elimizdegi halyqtar dostyǵyn qasterleý Naýryz merekesiniń negizgi taqyrybynyń arqaýyna aınalypty. Balalar kóptegen ulttardyń shyǵarmashylyǵyn kórsetýge tyrysty.
– Jas ártister shoqjuldyzynyń shynaıylyǵy men daryndylyǵyna tántimin, – deıdi merekeniń máresinde «Rahat» AQ basqarma tóraǵasy Aleksandr Zenkov. – Balalardyń barlyǵyn «Rahattyń» táttilerinen syılyq jasap, qýantý – biz úshin mártebe.
Qaıyrymdylyq dástúriniń jalǵasa beretinin «Rahat» AQ basqarma tóraǵasynyń orynbasary Son Djong Sık myrza da atap ótti. Qoǵam aldaǵy ýaqytta da balalarǵa beriletin kómek kólemin ulǵaıtyp, qazaqstandyq brendtiń basqa da dástúrlerin jalǵastyrýdy josparlaýda. О́nim sapasy da ózgermeıdi, onyń túr-túri kóbeıip, taratylý aımaǵy da keńeıedi.
– Shymkentte jańa óndiris alańymyz bar, – deıdi Son myrza. – Qazirgi kezde marketıngtik zertteýler júrgizilýde. Sonyń negizinde «Rahat» jáne «LOTTE» ónimderiniń assortımentin arttyrýmen kompanııanyń aldaǵy qyzmeti aıqyndalady.
Sońǵy birneshe onjyldyqtar boıy «LOTTE Confectionery» Ońtústik Koreıanyń kondıterlik naryǵynda №1 oıynshynyń ustanymynda. Kásiporyn sonymen birge, Azııadaǵy nómiri birinshi kondıterlik kompanııaǵa aınalý úshin óziniń strategııalyq maqsatyna sáıkes Ońtústik Koreıadan shet aımaqtarda jańa naryqty ıgerýde.
Qaıyrymdylyq kómek kórsetý – kompanııanyń Qazaqstandaǵy jalpy áleýmettik saıası mańyzdy baǵytynyń biri bolyp qala beredi.
«Rahat» kóp jyldardan beri «Speshıal Olımpıks Qazaqstan» Almaty fılıalyna, «Januıa» mamandandyrylǵan keshenine, № 7 mektep-ınternatqa, «SOS Balalar aýylyna» jáne taǵy basqalarǵa kómek qolyn sozyp júr. Kompanııa múmkindigi shekteýli balalarǵa, jetimder men turmysy nashar otbasylardyń balalaryna arnalǵan túrli sporttyq, mádenı, merekelik sharalardyń ótkizilýine de qoldaý kórsetip, soǵys jáne eńbek ardagerlerin, múgedekterdi, zeınetkerler men ınternasıonalıst-jaýyngerlerdi, tamaq ónerkásibi salasynyń ardagerlerin de nazardan tys qaldyrmaıdy.
«Rahat» AQ ekonomıkalyq qıyndyqtarǵa qaramastan, keleshekke nyq senimmen aıaq basýda. Qazirgi zamanǵy tehnologııalyq jabdyqtarmen jaraqtanyp, joǵary bilikti mamandardan quralǵan kásiporyn sapasy joǵary ónim shyǵaryp, túrin kóbeıtýge umtylyp, qaptaý-oraý ádisterin jańasha túrde óndiriske engizýde. Osynshama kúsh-jiger qazaqstandyqtardyń dastarqanynan «Rahat» kámpıtteriniń úzilmeýine negizdeledi.
Marat AQQUL,
«Egemen Qazaqstan».
ALMATY.
