IIM Qylmystyq-atqarý júıesi komıtetiniń málimetinshe, QR QK 99-babynyń 2-bólimi («Eki jáne odan da kóp adamdy óltirý») boıynsha ómir boıyna bas bostandyǵynan aıyrylǵan sottalýshy ótken jyldyń qazanynan bastap Almatynyń tergeý ızolıatorynda jazasyn ótep jatyr.
QAJK el aýmaǵynda 80 túzeý mekemesi bar ekenin atap ótti. Olardyń bireýi ǵana Qostanaı oblysy boıynsha QAJD ÝK-161/3 ómir boıyna sottalǵan adamdarǵa arnalǵan.
Djýnov merzimin óteıtin tótenshe qaýipsizdik mekemesi Jitiqara qalasynan 25 shaqyrym jerde ornalasqan.
Aıta keteıik, bul mekemede asa aýyr qylmysqa barǵan Vladıslav Chelah pen Almatyda terrorlyq shabýyl jasaǵan Rýslan Kúlekbaev jazasyn ótep jatyr.
Eske salaıyq, 2021 jyldyń 20 qyrkúıeginde Almatynyń Aqbulaq shaǵynaýdanynda bes adamnyń ólimine qatysty is boıynsha basty sot prosesi bolǵan. Sotta Djýnov otbasyn úıinen shyǵarýǵa kelgen bes adamdy qalaı óltirgenin aıtyp berdi.
