Sapaly medısına: Saqtandyrý isine salǵyrt qaramaıyq

Baspasóz máslıhatynda medısınalyq qyzmet túrlerine (alǵashqy medısınalyq-sanı­tarlyq kómek, konsýltatıvtik-dıag­­nostıkalyq qyzmet, joǵary tehno­logııa­lyq medısınalyq kómek, pallıa­tıv­tik kómek, ońaltý, KVI jáne taǵy basqaǵa) bólingen qarajat mólsheri, dári-dármekpen qamtamasyz etý qadamdary, medısınalyq qyzmet sapasyn monıtorıngileý jumys­ta­ry, pasıent quqyǵyn qorǵaý amaldary týraly aıtyldy. Máselen, bıyl elordada MÁMS júıesinde jáne TMKKK aıasynda medısınalyq kómek kórsetýge 197,5 mlrd teńge bólindi.

– Satyp alý jospary boıynsha 2022 jyly elordada MÁMS júıesinde jáne TMKKK aıasynda medısınalyq kómek kór­setýge 197,5 mlrd teńge (TMKKK-ge – 101 mlrd, MÁMS-ke – 94,5 mlrd) bólindi. Búginde qor Nur-Sultan qalasynyń aýmaǵy boıynsha 114 medısınalyq qyz­met jetkizýshimen shart jasady. Sonyń 77-si – jekemenshik klınıkalar. Jyl ótken saıyn halyqqa medısınalyq qyz­met kórsetetin jekemenshik qyzmet kór­se­týshiler úlesi artyp keledi. Bul pa­­sıent­tiń úzdik klınıkany tańdaýyna múmkindik beredi. Medısınalyq qyzmet kór­se­týshiler tizimin qordyń fms.kz saı­tynan qaraýǵa bolady, – dedi N.Qabdy­qa­parov.

Nur-Sultan qalasyndaǵy jekemenshik medısınalyq qyzmet kórsetýshilerdiń úlesi – 67%. Áleýmettik medısınalyq saq­tandyrý qorynyń Nur-Sultan qalasy bo­ıynsha fılıaly ońaltý qyzmetterin kór­setetin 45 medısına uıymymen keli­simshart jasady. Sonyń ishinde, je­kemenshik – 20, memlekettik – 22, res­pýblıkalyq 3 medısına uıymy bar.

– 2021 jylmen salystyrǵanda, 2022 jyly operasııa jasaý kórsetkishi 16,5%-ǵa ósti. Tek joǵary tehnologııalyq me­dı­­sı­­nalyq kómek qoldanysy arqyly MÁMS boıynsha 4,4 mlrd teńge somasyna qosymsha 1 549 qyzmet kórsetildi. Kar­dıo­hırýrgııalyq operasııa 565 pasıentke jasalsa, neırohırýrgııalyq operasııa (neıro­na­vıgasııalyq júıe qoldanylǵan) – 71 adamǵa, ortopedııalyq operasııa 70 pasıentke jasaldy, – dedi spıker.

Ambýlatorlyq dári-dármekpen qam­ta­masyz etý Densaýlyq saqtaý mınıs­tri­niń 2021 jylǵy 5 tamyzdaǵy № QR DSM-75 «Tegin medısınalyq kómektiń kepildik berilgen kólemi sheńberinde jáne mindetti áleýmettik medısınalyq saq­tandyrý júıesinde dárilik zattarmen jáne medısınalyq buıymdarmen qamtamasyz etilýge, onyń ishinde belgili bir aýrýlary (jaı-kúıi) bar azamattardyń jekelegen sanattaryn, ambýlatorlyq deńgeıde tegin jáne (nemese) jeńildikpen beriletin dárilik zattardyń, medısınalyq buıymdardyń jáne mamandandyrylǵan emdik ónimderdiń tizbesin bekitý týraly» buıryǵyna sáıkes iske asyrylady.

2022 jylǵy 1 mamyrdaǵy málimetke sáıkes, Nur-Sultan qalasynda 4 mlrd 370 mln teńge somasyna 306 211 te­gin resept boıynsha 121 886 pasıent tegin dári-dármekpen qamtyldy. Sonyń ishinde MÁMS júıesinde dári-dár­­mekpen qamtylǵan balalar da bar. Máse­len, jiti respıratorlyq ınfeksııamen, ıaǵnı joǵarǵy tynys joldarynyń aýrý­la­ry bar 683 bala jáne tómengi tynys jol­da­rynyń aýrýlary bar 2 182 bala, temir jetispeýshiligi anemııasyna shal­dyq­qan 290 bala, rahıt aýrýymen aýyratyn 324 bala, pnevmonııaǵa shaldyqqan 598 bala, sınýsıtpen/ badamsha bezi (mındalın) jáne adenoıd aýrýlarymen aýyratyn 158 bala bar.

Ambýlatorlyq qamtamasyz etý jó­nindegi buıryqqa sáıkes, emhana dári­hanalary MÁMS júıesinde tegin be­ri­le­tin barlyq qajetti dárilermen (antıbıotıkter, ystyq túsiretin preparattar, temirquramdy preparattar, sondaı-aq basqa da spesefıkalyq preparattar) qam­tyl­dy.

– Elorda turǵyndary koronavırýs ınfek­sııasy men pnevmonııa kezinde me­­dı­­sı­nalyq kómekti Áleýmettik me­dı­sı­nalyq saqtandyrý qoryndaǵy már­­te­­besine qa­ramastan tegin alady. Bıyl Nur-Sultan qalasy boıynsha COVID-19 ko­ro­na­vı­rý­synyń taralýyn boldyrmaýǵa jáne COVID-19 korona­vı­rýsymen aýyratyn naýqastardy emdeýge 7,6 mlrd teńge bó­lin­di. Sonyń ishinde, juqpaly aýrýlarmen aýyratyn naýqastarǵa medısınalyq kómek kórsetýge – 3,1 mlrd teńge, COVID-19 ko­­ronavırýsynyń taralýyn bol­­dyrmaý jáne COVID-19 ko­ro­na­vı­rý­sy­­men aýy­ratyn naýqastardy emdeýge – 4,5 mlrd teńge (ınfeksııalyq KVI – 2,9 mlrd teńge, karantındik KVI – 137,3 mln teńge, ambýlatorııalyq deńgeıde KVI pa­sıentterin PTR zertteý – 563,8 mln teńge, úıdegi stasıonar – 4,5 mln teńge, mo­bıl­di brıgadalar shaqyrtýǵa shyǵýy úshin – 919,2 mln teńge) qarastyryldy, – dedi N.Qabdyqaparov.

Koronavırýs ınfeksııasymen nemese ortasha, aýyr jáne asa aýyr deń­geı­degi pnevmonııamen aýyrǵan pasıentter Medısınalyq saqtandyrý qory­nyń qa­ra­jaty esebinen ońaltýdan óte alady. Azamattar úıinde emdeldi me, álde aýrý­hanada emdeldi me, oǵan qara­maı­dy. Me­dı­sı­nalyq ońaltýǵa joldama reabılıotolog mamannyń qatysýymen aýrýha­na­nyń nemese emhananyń mýltı­dıs­­sıp­lı­narlyq komandasynyń qorytyn­dy­sy boıynsha beriledi.

– Nur-Sultan qalasy boıynsha 2022 jyldyń 3 aıynda kórsetilgen medısı­na­lyq qyzmet sapasy men kólemine júrgi­zil­gen túrli monıtorıngter aıasynda 9 390 kemshilik (defekt) anyqtalyp, 415 mln 837 myń teńge alyndy. Sonyń ishinde, Tegin medısınalyq kepildendirilgen kómek kólemi (TMKKK) aıasynda 300 mln 13 myń teńge somasyna 2 004 kemshilik anyqtaldy. Al mindetti áleýmettik medısınalyq saq­tan­dyrý (MÁMS) júıesinde 115 mln 824 myń teńge somasyna 7 386 kemshilik anyq­tal­dy, – dedi spıker.

Proaktıvti monıtorıng aıasynda 12 medı­sına uıymyna tekserý júrgizildi. Osy­laısha, 1-kezeńde 16 mln 237 myń teńge somasyna 3 846 kemshilik (defekt) anyqtaldy. Al maqsatty monıtorıng aıasynda 410 kemshilik (defekt) tabyldy. Medısınalyq qyzmetterdi satyp alý shartyn oryndaýda 12 burmalaýshylyq faktisi anyqtalyp, aıyp tóleý esebinde 8 mln 899 myń teńge alyndy.

– Sondaı-aq qordyń Nur-Sultan qa­la­sy boıynsha fılıalynyń medısı­na­lyq qyzmet sapasy men kólemin mo­nı­torıngileý bólimi jospardan tys monıtorıng boıynsha 48 qorytyndy ja­sady. Sonyń 17-si negizdi shaǵym ekeni dá­lel­dendi. Jospardan tys tekseris ná­tı­jesinde alynǵan soma 2 mln 701 myń teń­geni qurady. Aqparattyq júıelerden alynǵan málimetter boıynsha, josparly em­d­eýge jatqyzýdy kútý merzimi 2021 jyl­­dyń sáıkes kezeńimen salystyrǵanda 1,9%-ǵa óskeni baıqalady. Bizdiń sarapshylar me­dısınalyq qyzmettiń qoljetimdi bolýy jáne sapasynyń jaqsarýy úshin, ıaǵnı pasıent quqyǵy saqtalýy úshin tu­raq­ty jumys júrgizedi, – dedi spıker.

Qor turǵyndardy medısınalyq saq­tan­dyrý júıesimen qamtý jumystaryn jalǵastyryp jatyr. Búginde Nur-Sultan qalasy boıynsha turǵyndardyń 83,2%-y MÁMS júıesinde saqtandyrylǵan. 2022 jyly elorda aýmaǵynda MÁMS júıesine qatysýshylar sany 17 406 adamǵa kóbeıdi. Iаǵnı 2022 jyldyń qańtar aıynda 1 025 256 adam bolsa, 1 mamyrdaǵy kórsetkish – 1 042 662, adam.

– Alaıda 210 142 qala turǵyny qam­tyl­maı, MÁMS júıesinen tys qalyp otyr. Bul azamattar MÁMS júıe­sin­de saqtandyrý mártebesi bolmasa da tegin medı­­sınalyq kepildendirilgen kómek kóle­minde medısınalyq (shuǵyl medısı­na­lyq kómek, jedel járdem brıgadasyn shaqyrý, ýchaskelik dáriger qabyldaýy jáne taǵy basqa) kómek ala alady, – dedi N.Qabdyqaparov.

Medısınalyq saqtandyrý qorynyń negizgi basymdyqtarynyń biri – pasıent quqyǵyn qorǵaý. Osyǵan oraı keri baılanys quraldary arqyly túsetin shaǵym-ótinishter erekshe baqylaýda bolady.

«2022 jyly qańtar-mamyr ara­ly­ǵyn­da qordyń Nur-Sultan qalasy boıyn­sha fılıalynyń qyzmetkerleri 2 687 ótinishti qabyldap, qarady. Sonyń ishinde, 1 363 – shaǵym, 173 – alǵys, 104 – shaǵyn jáne orta bıznes úshin saqtandyrý mártebesin túzetý, 1 047 – jeńildik sanaty bo­ıyn­sha ýaqytsha mártebe berý jóninde shaǵym-ótinishter bar. Mundaı ótinishter men shaǵymdardyń negizgi bóligi 1406 baılanys ortalyǵy men Qoldau 24/7 mobıldi qosymshasy arqyly túsedi. Bul ótinishter úsh deńgeıli óńdeýden ótedi. Qor turǵyndarmen keri baılanysta turaqty jumys júrgizýi nátıjesinde, elorda tur­ǵyndary Áleýmettik medısınalyq saq­tan­dyrý qoryna, 1406 baılanys or­talyǵy men Qoldau 24/7 mobıldi qosymshasy arqyly jıi habarlasady, – dedi spıker.

Túsken barlyq shaǵym boıynsha shara qabyldanyp, ótinish ıelerine jaýap be­ril­di. Turǵyndar kóbine konsýltatıvtik-dıag­nostıkalyq qyzmetterdiń azdyǵyna (qural-jabdyqtardyń bolmaýy, kezekti kóp kútý, joldama bermeý, kadr jetispeý), medısına qyzmetkerleriniń dóreki sóıleýi men qyzmetin bilmeýine, medısınalyq qyzmet sapasyna, qyzmetterdi kóp kútý jaǵdaılaryna shaǵymdanady. Al MÁMS júıesindegi saqtandyrý mártebesi týraly nemese medısınalyq kómek alý bo­ıynsha qandaı da bir suraqtar týyndaǵan jaǵdaıda qordyń elordadaǵy fılıalyna 1406 baılanys ortalyǵy nemese Qoldau 24/7 mobıldi qosymshasy, Telegram-daǵy SaqtandyryBot, qordyń fms.kz saıty arqyly habarlasýǵa bolady.