Qazaqstan • 24 Mamyr, 2022

Turaqty beıbitshilik ortaq kúsh jumsaýdy qajet etedi

9 ret kórsetildi

PeaceTalks dıskýssııalyq alańynda Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń uıymdastyrýymen «Dinı lıderlerdiń turaqty álem damýyna qol jetkizýdegi róli» taqyrybynda halyqaralyq onlaın konferensııa ótti.

Álemdik jáne dástúrli dinder lıderleriniń VII sezi qarsańynda ótkizilgen konferensııa jumysyna Aqparat jáne qoǵamdyq damý vıse-mınıstri S.Egizbaev, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵynyń basqarma tóraǵasy B.Sársenbaev moderatorlyq etti.

Is-sharaǵa Ál-Azhardyń Is­­­lamdyq zertteýler akade­mııa­synyń bas hatshysy Nazır Mýhammed Mý­hammed al-Nazır Aıad, Vatı­kannyń Dinaralyq dıa­log bo­ıynsha Papalyq keńe­siniń Is­lam máseleleri jónin­degi bıý­ro­synyń basshysy, monsenor Haled Akashe, Reseı-arab zertteý jáne aqparat orta­ly­ǵynyń tóraǵasy Madjıd Abdý­l­azız at-Týrkı, Iran Islam Res­pýb­lıkasynyń Má­denıet jáne ıslam baılanystary uıymynyń Din­der men mádenıetter dıalo­gy or­ta­lyǵynyń Islam jáne Hrıs­tıan dıalogy departa­mentiniń dırek­tory, doktor Zah­ra Rashıd­beıgı, «Somaııa Vıdıa­vıhar» ýnı­ver­sıtetiniń Kon­fessııaaralyq qatynastar jáne ózara túsinistik jónindegi baǵ­darlamasynyń hatshysy Rýd­rak­sha Sakrıkar, Islam tarıhy, mádenıeti jáne ónerin zert­teý ortalyǵynyń bas dırek­tory (IRCICA) Kylych Mahmýd Erol, Qazaqstannyń bas rav­vıni Eshaıa Elazar Kogen, Qazaq­standaǵy Injil-lıýteran shir­keýiniń arhıepıskopy Iý.Nov­go­rodov, QMDB Nasıhat jáne jurt­shylyqpen baılanys bóli­miniń basshysy, ǵalymdar keńe­­siniń hatshysy B.Mansurov, Sera­fım ǵıbadathanasynyń Klıý­­chari, protoıereı E.Korolkov, KEKSA bas­pasóz hatshysy (Qazaq­­stan jáne Ortalyq Azııa epıs­­kop­tarynyń konferensııasy), monsenor P.Pytlovany, «Rýhanı jańǵyrý» qazaqstandyq qoǵamdyq damý ınstıtýty» KeAQ jetekshi menedjeri T.Tóleý qatysty.

Halyqaralyq konferensııa barysynda qatysýshylar beı­bitshilikti turaqty damytý jáne yntymaqtastyqty nyǵaıtý bo­ıynsha kúsh-jigerdi sho­ǵyr­landyrý úshin álemdik jáne dás­túrli dinder lıderleriniń ózara is-qımyly máselelerin talqylady.

Álemdik jáne dástúrli din­der lıderleri seziniń maq­sat­tary men mindetterine keńi­nen toqtalǵan B.Sársenbaev qazir­gi zamanǵy syn-qaterler men qa­­ýip­­terdiń ýshyǵýy aıasynda ózek­­tiligi men qajettiligin kór­set­ken sezdiń tarıhy men mıs­sııasy týraly aıtyp berdi. «Sez álemdik dinder lıderleri men iri saıası qaıratkerlerdiń nátı­jeli kezdesýleri men kom­mý­nıkasııalyq ózara is-qımylyn qam­tamasyz etedi. Is-shara son­daı-aq adamzattyń rýhanı jáne áleýmettik damýyndaǵy álemdik jáne dástúrli dinder lıderleriniń rólin aıqyndaý úshin qajet» dep atap ótti ol.

О́z kezeginde Qasıetti Taqtyń Papalyq keńesiniń dinaralyq dıalog boıynsha Islam másele­leri jónindegi bıýrosynyń basshysy, monsenor Haled Akashe halyqaralyq konferensııany uıymdastyrýshylarǵa alǵysyn bildire otyryp, is-sharanyń taqyryby búgingi jáne bolashaq urpaq úshin úlken mańyzǵa ıe ekenin aıtty. Sóz tizginin alǵan Rýdraksha Sakrıkar álemniń turaqty damýynyń negizgi aspektileri retinde qoǵamdy, qorshaǵan ortany, mádenıet pen ekonomıkany atap ótti. Ol din úıretetin etıkalyq jáne moraldyq qundylyqtar men dinı kóshbasshylardyń úlesi turaqty damýǵa qol jetkizý úshin óte mańyzdy ekenin atap ótti.

Islam tarıhy, mádenıeti jáne ónerin zertteý ortalyǵynyń bas dırektory (IRCICA) Mahmýd Erol Kylych olardyń uıymy ǵy­lymı-zertteý jobalarynyń, konferensııalar men kórkemdik is-sharalardyń nátıjelerin kóp­shilikke taratý arqyly álemniń turaqty damýyna úles qosatynyn habarlady. Sondaı-aq dinı lıder­lerdiń túrli ǵylymı konfe­rensııalarynyń kún tártibi, onyń ishinde osy konferensııa olardyń mádenı dıplomatııaǵa qosqan úlesin aıqyn kórsetedi.

Konferensııaǵa qatysýshylar is-sharany uıymdastyrý jó­nin­degi bastamasyn oń baǵalap, konfessııaaralyq jáne órke­nıet­aralyq dıalogty halyqaralyq deńgeıde ilgeriletýdiń mańyz­dy­lyǵyn atap ótti.

B.Sársenbaev sheteldik jáne qazaq­standyq din lıderleri men sarap­shy­lardyń baıandamalaryn qory­tyndylaı kele, onlaın konferen­sııa álemniń turaqty damýyn ilgeri­le­týdegi taǵy bir qadam bolatynyna senim bildirdi.

Sońǵy jańalyqtar

Dollar arzandady

Qarjy • Keshe

Uqsas jańalyqtar