Uıymdastyrý men ótkizý jumystary pysyqtaldy

Arys qalasynyń Mádenıet úıinde jınalǵan halyqpen kezdesip, aýmaqtyq referendým komıssııalary men jergilikti atqarýshy organdar ókilderiniń qatysýymen respýblıkalyq referendýmdy ázirleý men ótkizý týraly semınar-keńes ótkizdi. Jıynda Nurlan Áb­dirov referendýmnyń mem­leket bolashaǵyna oń ózgeris ákeletinin aıtyp, alda ótetin referendýmdy ótkizýdegi uıymdastyrý jumystaryna toqtaldy. Jıyn barysyn­da Túrkistan oblysy ádi­let departamentiniń basshy­sy Muhıt Turǵaraev «Qazaq­stan Respýblıkasynyń Kons­tı­­tý­­sııasyna ózgerister men tolyq­tyrýlar engizý týraly» Qazaqstan Respýb­lıkasy Zańynyń jobasy týraly», Túrkistan oblysy prokýrorynyń orynbasary Saıan Keldibekov «Res­pýblıkalyq referendým týraly zańnamany buzǵany úshin jaýapkershilik» taqyrybynda túsindirme jumystaryn júrgizse, Ortalyq referendým komıssııasy apparatynyń taldaý jáne kommýnıkasııalar bólimi meńgerýshisiniń orynbasary Ǵalymjan Jalmurzaev «Respýblıkalyq referendým qarsańyndaǵy úgit jáne daýys berý kúni buqaralyq aqparat quraldarynyń ókilderin akkredıtteý týraly» taqyrybynda BAQ ókilderine aqparat berdi.

Sondaı-aq bul kúni Orda­basy aýdanynyń ortalyǵy Temirlanda Qajymuqan aýyl­dyq okrýginde ornalasqan referendým ýchaskeleriniń jaı-kúıimen tanysqan komıssııa tóraǵasy aýdandyq Mádenıet úıinde aýmaqtyq referendým komıssııalary men jergilik­ti atqarýshy organdardyń ókilderimen kezdesti. Jıyn­da halyq mol úmit artyp otyr­ǵan respýblıkalyq referen­dýmdy ázirleý men ótkizý týraly jumys barysy tekse­rildi. Nurlan Májıtuly referen­dýmnyń memleket bolashaǵyna oń ózgeris ákeletinin aıtyp, alda bolatyn saıası naýqandy ótkizýdegi uıymdastyrý ju­mystaryna toqtaldy.

Sondaı-aq jıynda referendým ótkizý boıynsha jergilikti atqarý organdarynyń tarapynan atqarylyp jatqan ju­mys­tardyń barysy týraly oblys ákiminiń orynbasary Sáken Qal­qamanov, aýmaqtyq referendým komıssııasynyń tór­aǵasy Álibek О́mirálıev uıym­das­tyrý jáne daýys berý ýchaskelerin­de referen­dým komıssııalary­nyń qyzmetiniń erekshelikteri týraly oı-pikirlerin ortaǵa saldy. Jıynnan soń Ortalyq referendým komıssııasynyń tóraǵa­sy Temirlandaǵy Sh.Ýálıhanov atyndaǵy mektep-gımnazııa­sy, Temirlan jalpy orta mek­tebi, S.Nurmaǵambetov atyndaǵy jalpy orta mektebindegi referendým ýchaskelerin aralap, komıssııa múshelerine jumysty úılestirý boıynsha baǵyt-baǵdar berdi.

Túrkistan oblysy