Bıznes • 24 Mamyr, 2022

Isker áıelder mańyzdy isterden tys qalmaıdy

22 ret kórsetildi

Elimizde shaǵyn jáne orta bıznestiń 40 paıyzy isker áıelderge tıesili. Al kópbalaly analar sany boıynsha elimizde kósh bastap turǵan Túrkistan oblysynda shamamen 145 myńnan astam kásipker bolsa, 45 myńǵa jýyq shaǵyn jáne orta bızneske áıelder basshylyq jasaıdy. Ásirese qyz-kelinshekterdiń basym bóligi bilim berý jáne densaýlyq salasynda jumys atqarady.

Úı sharýasynda, jumysta, memlekettik qyzmetterde de óz­derin tabysker, eńbekqor re­tinde kór­setip kele jatqan is­ker áıelder 5 maýsymda ótetin refe­rendýmǵa belsene atsalysyp, azamattyq pozısııa­syn bil­­dir­mek. Shırek ǵasyr­dan astam ýaqyttan keıin ótkeli otyr­ǵan saıası naýqannan tys qalý keleshekke qııanat jasa­ǵanmen teń sanaıtynyn bil­dirgen isker áıelder Ata Zań­daǵy eleýli ózgeriske de óz úlesin qospaqshy. Bul jóninde Túrkistan qalasynda Kons­tıtý­sııaǵa engiziletin ózgeristerdi tú­sin­dirý jáne referendýmdy qol­daý maqsatynda ótken oblys ákim­­diginiń qoldaýymen, Qazaq­stan­nyń isker áıelder qaýymdas­ty­ǵy uıymdastyrǵan «Eńbegi jan­ǵan arýlar» isker áıelder forýmynda aıtyldy.

Memlekettik mekemeler, Shym­kent qalasy jáne Túrki­stan obly­sy bıznes-qaýym­dastyǵynyń ókil­deri, oblystyq jáne qalalyq más­lıhat depýtattary qatysqan forým ulttyq kıimder men isker áıel­derdiń fotokórmesinen bas­taldy. Jıynda Qazaqstan Isker áıelder qaýymdastyǵynyń prezı­­denti, Prezıdent janyn­daǵy Áıelder isteri jáne ot­basylyq-demografııalyq saıa­sat jónindegi ulttyq komıssııa múshesi Raýshan Sársembaeva forýmnyń maqsaty jóninde aıtyp ótti. «Qaýymdastyq 27 jyl ishinde áıelderdi jumysqa ornalastyrýǵa jáne olardyń bilimin, áleýmettik mártebesin art­ty­rýǵa, sondaı-aq salamatty ómir saltyn nasıhattaýǵa jáne olardy kásipkerlik pen saıası qyzmette ilgeriletýge baǵyttalǵan 100-den astam jobany iske asyrdy. Elimizde isker qyz-kelinshekter óz kásibimen ekonomıkamyzǵa úlken úles qosyp keledi. Forýmnyń maq­saty da sol, jumys isteıtin áıelderdiń már­tebesin kóterý, olardy ju­myspen qamtý jáne kásipkerlik salasyn damytý saıa­satyn iske asyrý sekildi min­detterdi kózdeıdi», dedi R.Sársembaeva. Al Túrki­stan ob­lystyq isker áıel­der qaýym­das­tyǵynyń tóraǵasy Inara Namazbaeva forým arqy­ly isker hanymdardyń jetis­tikterin keıingi jastarǵa úlgi etý, jas kásipkerlerge baǵyt-baǵdar berý mańyzdy ekenin atap ótti. «Qyz-kelin­shek­ter óte belsendi. Olar da oılaryn aıtyp, memlekettik ma­ńy­zy bar isterge úles qosa ala­dy. Referendým árbir isker áıel úshin asa mańyzdy. Názik jandardyń ál-aýqatynyń artýy tek otbasy úshin emes, tutas qoǵam úshin paıdaly», deıdi forým delegattary.

Forým aıasynda «Kásip­ker áıel­derdiń Qazaqstannyń turaq­ty damýyn qalyptas­tyrý­daǵy róli» men «Qoǵamdy trans­for­masııa­laýdaǵy aza­mattyq sektordyń róli jáne referendýmǵa baılanysty», «Túrkistan oblysy jáne Shym­kent qalasy damýyndaǵy isker áıel­der qaýymdastyǵynyń róli» taqy­ryptarynda sessııa otyrys­tary ótti. Is-shara sońynda isker áıel­der Enbegi jangan arylar medalimen jáne alǵyshatpen marapattaldy.

Aıta ketelik, forým qar­sańyn­da Shymkent qalasynyń ákimi Murat Áıtenov Qazaq­­stan Isker áıel­der qaýymdas­­ty­ǵynyń tóraǵa­sy R.Sársembaeva­men kez­desip, shahardaǵy áıel­­derdiń kósh­basshylyǵyn damy­tý máselesin talqylady. Úshin­shi megapolıste buǵan deıin kásip­ker áıelderdiń basyn birikti­retin «Isker áıelder qaýym­dasty­­ǵynyń» fılıaly ju­mys istep kelgen. Al jańadan ju­mysyn bastaǵan alıans áıelder men bala­lardyń quqyqtary men den­saý­lyǵy jáne áleýmettik baǵyt­ta­ǵy bilimin jetildirýdi kózdeı­di. Áıelderdiń jaǵdaıyn jaqsar­­týǵa arnalǵan uıym 2022-2023 jyl­darǵa arnalǵan jol kartasyn bekitip, 10 baǵyt boıynsha jumys júrgizbek.

 

TÚRKISTAN

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar