Aımaqtar • 24 Mamyr, 2022

Bolashaq saraıy – tálim men tárbıe besigi

18 ret kórsetildi

Memleket basshysy Qasym-Jomart Toqaev 2022 jyldy Balalar jyly dep jarııalaǵan bolatyn. Osy oraıda jas urpaqtyń úılesimdi damýy jolynda qolǵa alynǵan ıgi is-sharalar óziniń oń nátıjesin berse, Balalar jylynyń jetistigi men jemisi mol bolmaq.

Táýelsiz memleketimizdiń qadalǵan ár ýyǵy ispettes jas urpaqtyń adam­ger­shilik-rýhanı jaǵynan damýy men oı-sanasynyń durys qalyptasýy jolynda ıgi jumystar atqaryp jatqan Bolashaq saraıynda balalar men jasóspirimder bilim-ǵylym arqyly ar-ojdan, ádeptilik pen jaýapkershilik, jalpyadamzattyq jáne ulttyq qundylyqtar arasyndaǵy uly murattar rýhynda tárbıe alady.

Qazirgi tańda bul ujymda sport, medıa, shyǵarmashylyq, ǵylymı-ıntel­lektýaldyq, IT baǵyttary boıynsha 3 500-den astam bala 120 túrli úıirmede óz tań­daýlary arqyly bilim-qabiletteri men salamatty ómir saltyn jetildirýde.

Ystyq uıada eńbek etip jatqan uıymshyl ujym qala men oblystyń qoǵamdyq ómi­ri­ne belsene atsalysyp, ár túrli mádenı, áleýmettik, ǵylymı-praktıkalyq is-sha­ralardy ótkizý, elimizdiń tanymal tul­ǵa­larymen júzdesý alańyna aınaldy. Oblys ákimi Ermek Marjyqpaev Bolashaq saraıynyń jas shákirtteri «RoboOlımp» halyqaralyq baıqaýynyń ıegeri Talǵat Maqsat jáne Euro Stars halyqaralyq óner festıvaliniń jeńimpazy Iаsmına Qýatpen birge Balalar jylynyń bastaý batyrmasyn basyp, oblys boıynsha balalar men jasóspirimderdiń bilimi men qabiletterin odan ári shyńdaýǵa qadam jasalǵanyn jetkizdi.

Balalar jylynyń bastaý alýynyń aıasynda tuńǵysh ret oblystyq JasSkills Aqmola-2022 chempıonaty uıym­das­tyrylyp, 120-dan astam qatysýshynyń bilimi men biliktiligine joǵary baǵa berildi. Osy úrdis óz jalǵasyn taýyp, jas urpaqtyń parasatty jáne shyǵarmashylyq áleýeti shyńdalyp, sanasy jańa sapalyq damý satysyna kóteriledi degen senimdemiz. Tehnıkalyq, IT, ǵylym baǵytyndaǵy úıirmeler bilim alýshylaryna aıryqsha kóńil bólip, olardy bıznes qaýymdastyǵy da qoldaıtyn bolsa, bir-eki jylda osy kásiporynǵa daıyn jas kásibı mamandar paıda bolady.

Balalar jylynyń aıasynda shyǵarma­shylyq baǵyty boıynsha «Úkili dombyra» úıirmesi halyqaralyq óner baıqaýynyń, Bolashaq bı ansambli Qazmedıa orta­lyǵynda ótken «Arena Tansev» ha­lyqaralyq konkýrs-festıvaliniń, Diamond bı ansambli «Juldyzǵa qadam» halyqaralyq kópjanrly baıqaýynyń jeńimpazdary atandy. Al «Juldyzdar» úlgili vokaldyq stýdııasynyń «úlgili» ataǵy, «Gúlder» halyq bı ansambliniń «halyqtyq» ataǵy taǵy bir márte rastaldy. Onyń bári jetekshiler men shákirtterdiń qajyrly eńbeginiń nátıjesi.

Ahmet Baıtursynulynyń 150 jyl­dyǵyna arnalǵan «Rýh sáýlesi – aqyn sózinde» atty alǵashqy oblystyq jas aqyndar aıtysy ótip, jas daryndardyń tanymy men parasatyn, bilimi men taǵylym­dy tárbıesin, birligi men yntymaǵyn odan saıyn shyńdaı tústi.

Talaı baıraqty básekede des bermegen ujymnyń el namysyn qorǵap júrgen jas balýany, erkin jáne grek-rım kúresinen 3 dúrkin el chempıony Aldııar Baltashev Brazılııada ótken Sýrdalımpıadada qola júldeni qanjyǵasyna baılap, kók týymyzdy taǵy bir jelbiretip, sońynan ergen ini-qaryndastaryn qanattandyrdy, el mereıin asyrdy.

Balalardyń salamatty ómir saltyn jetildirý, olardyń jazǵy demalystaryn durys baǵytta ótkizip tanym-qabiletterin shyńdaý maqsatynda balalardy qorǵaý kúni Zerendi aýdanynda ornalasqan Bolashaq saraıy janyndaǵy «Suńqar» saýyqtyrý kesheninde jazǵy lagerdiń ashylýy Balalar jylyndaǵy erekshe bastama bolmaq. Lagerde balalar úshin demalys-saýyqtyrý sharalary ǵana emes, sonymen qatar shyǵarmashylyq, ǵylymı jáne tehnıka baǵytynda izdenýlerine, qosymsha bilim alýlaryna barlyq jaǵdaı jasalmaq.

Balalardy qorǵaý kúni men Keńes Odaǵynyń batyry, jerlesimiz Talǵat Bıgeldınovtyń 100 jyldyǵyna oraı arnaıy ótetin IT baǵytyndaǵy avıamodeldeý jobasy tyń serpilis berip, oń kózqaras qalyptastyratynyna kámil senemiz. Al «Jas ǵalymdardyń zertteýleri» atty ǵylymı-praktıkalyq konferensııa aramyzdan kóptegen oıy ushqyr, zerek, ıntellektýaldy jas ǵalymdardyń shyǵýyna negiz bolary anyq.

Bizdiń ujym az ýaqyttyń ishinde ult­tyq rýhty jas urpaqtyń boıyna sińi­rip, qazaqstandyq patrıotızm arqyly bilim alýǵa jeteleıtin, olardy jaýapty da bilimdi, óresi bıik, mádenıetti, úılesimdi azamat etip qalyptastyrýǵa jaǵdaı jasaıtyn orynǵa aınalyp otyr.

 

Aınagúl BALTAShEVA,

Bolashaq saraıynyń basshysy

 

KО́KShETAÝ

Sońǵy jańalyqtar

Dollar arzandady

Qarjy • Keshe

Uqsas jańalyqtar