Bilim • 24 Mamyr, 2022

Ustazdyń aty ólmeıdi

25 ret kórsetildi

Qarqaraly qalasyndaǵy Oryn­­bek Jáýtikov atyndaǵy №1 mektepke ulaǵatty ustaz Kúlánda Nurbolqyzynyń bala­­lary kóp­beıindi mıkroskoptarmen, aspap­tarmen jáne ınteraktıvti taqtamen jab­dyqtalǵan zamanaýı bıologııa kabınetin syıǵa tartty.

Atalǵan mekteptegi bıologııa páni­niń muǵalimi Gúlmaıra Áýbákirova synyptyń 2007 jyly ashylyp, oǵan Kúlán­da Nurbolqyzynyń esimi beril­genin aıtady.

– Kúlánda Nurbolqyzy ótken ǵasyr­dyń 60-jyldary bizdiń mektepte jumys istep, hımııa jáne bıologııa pánderinen sabaq berdi. Para­satty jan, bilikti pedagog jaıyn­daǵy estelikter áli kúnge deıin onyń oqý­shylary men áriptesteriniń júreginde saqtalyp qalǵan. Ulaǵatty ustazdyń balalary bizge jyl saıyn jóndeý jumystaryna kómektesip turady. Al bıyl olar kúr­deli jóndeý júrgizip, jańa jıhaz ben qu­rylǵylar alyp berdi, – deıdi G.Áýbá­kirova.

Búginde jańartylǵan bıologııa synybynda barlyq qajetti tehnıka men aspaptar ǵana emes, adam aǵzasy qurylymynyń maketteri de bar. Kóp atqarymdy taqta mıkroskoptarǵa qosyl­ǵan. Munyń ózi balalarmen birge tá­jirıbe júrgizýge jáne is jú­zinde olarǵa kúrdeli taqyryptardy tú­sindirýge múm­kindik beredi.

Jańartylǵan synyptyń ashylý sal­tanatyna Kúlánda Nurbol­qyzynyń Májiliste depýtat bolǵan uly, qoǵam qaıratkeri Raýan Shaekın bastaǵan balalary, sondaı-aq bir top shákirtteri jáne aýdan ákimi Erlan Qu­saıyn qatysyp, eńbek sińirgen pedagog jaıly jan tebirenter estelikter aıtty.

Aıta ketken jón bolar, 883 bala bilim alatyn O.Jáýtikov atyndaǵy mektepte barlyq qajetti tehnıkalyq oqytý quraldary men dıdaktıkalyq materıaldarmen qamtamasyz etilgen bıo­logııa pániniń eki birdeı kabıneti bar.

 

Qaraǵandy oblysy,

Qarqaraly qalasy

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar