«Buǵan buryn mán bermeýshi edik. Tek qana memlekettik organdardyń saıttaryna, portaldaryna nazar aýdaryp keldik. Olardy májbúrlep, qazaqshaǵa aýdarttyq. Biraq olardyń da sapasy azdap tómen ekenin bilemiz. Qazir buny da jaqsartyp jatyrmyz. Olarǵa belgili bir talaptar qoıyldy, jumys júrgizilip jatyr. Munda jekemenshik servısterdiń, Facebook-tiń qazaqshasy nege joq degen suraq týyndaıdy ǵoı. Biraq ony biz qalaı qazaqsha jasaı alamyz? Ol – naryq. Facebook ózi jasamasa, biz jasaı almaımyz ǵoı. Ony májbúrlesek, qazaqsha nusqasy joq dep qosymshany múlde jaýyp tastasaq, adamdar shýlaı bastaıdy. Sondyqtan osy satyda qazir Amerıkaǵa barmaı-aq qoıaıyq, janymyzdaǵy servıster – 2GIS, Iаndeks bolsyn, solarǵa shyǵyp, osyndaı talaptardy qoıyp jatyrmyz. «Bizdiń ekonomıkada jumys istegińiz kelse, onda qazaq tilin engizińiz» degen talap qoıamyz. Sondaı usynystardy talqylap jatyrmyz», dedi mınıstr Aqtóbe oblysy jurtshylyǵymen kezdesý barysynda.
Onyń aıtýynsha, mundaı talapty zańǵa da engizý qajet.
«Bul kúrdeli másele. Biraq ony birtindep engizemiz», dedi Baǵdat Mýsın.
