Túrkistan – rýhanı ólke

Elimizdegi mádenıet jáne óner salasy uıym­darynyń shyǵar­mashylyq jetis­tik­terin anyqtap, talantty, ózin­dik erek­sheligi bar ujymdar men oryn­­daý­shylarǵa qoldaý bildirý maq­satyn­­daǵy «Rýhanı qazyna – 2022» festı­­vali­niń respýblıkalyq kezeńi Máde­­nıet jáne sport mınıstrligi men Túrki­­stan oblysy ákimdiginiń uıym­­das­­­ty­rýy­men Túrkistanda ótti. «Farab» kitap­hana­syn­da ótken festı­va­l-konkýrstyń ashy­lý saltanatynda «Qazaq áýen­deri» AQ prezıdenti Ǵalym­jan О́telbaıuly mundaı is-shara­lar qatysýshylardyń kásibı sheberligin arttyryp, óńirlerdiń mádenı murasyn tanystyrýǵa, qyz­­metkerlerdiń ózara tájirıbe al­masýyna mol múmkindik bere­ti­nin aıtty. Birneshe kezeńnen tu­ra­tyn respýblıkalyq festı­val­dyń alǵash­qy kúnderi máde­nıet qyzmetker­leri murajaı, kitap­­­hana, mádenı-dema­lys qyz­­meti sa­lasynda baq synasa, ke­­ıin­­gi kún­deri lektorlar kon­kýrs­qa qa­tysý­­shy­larǵa dáris oqyp, sheber­lik saba­ǵyn ótkizdi. Túrki­stan óńi­rindegi kıeli oryn­­­darǵa saıa­hat jasaldy. Bıylǵy fes­tı­val­­dyń ereksheligi – konkýrsqa mem­­leket­tik mekemelermen qatar jeke­­men­shik mádenıet uıymdary da qatysty.

Qazylar alqasy elimizdiń 17 óńi­rinen kelip túsken kitaphana salasy boıynsha – 125, mádenı oıyn-saýyq salasy boıynsha –  87, mýzeı salasy boıynsha 73 ótinimdi qarastyrdy. Bir aptaǵa sozylǵan baıqaý nátıjesi resmı jarııalanyp, festıvaldyń 44 jeńimpazy arnaıy syılyqtarmen marapattaldy. Festıvalǵa qatysýshy­lardy marapattaý rásiminde  Mádenıet jáne sport vıse-mınıstri Serik Ja­ras­baev barsha mádenıet jáne óner salasynyń qyzmetkerlerin kási­bı merekesimen quttyqtady. Budan bólek jeńimpazdardy mınıstrliktiń Mádenıet komıteti tóraǵasynyń orynbasary Kúmis Seıitova, «Qazaq­stan Respýblıkasynyń Ulttyq ki­tap­hanasy» respýblıkalyq mem­le­ket­tik mekemesiniń dırektory Ba­hyt­ja­mal Ospanova, «Bozoq» Mem­le­kettik tarıhı-mádenı mýzeı-qory­ǵy» respýblıkalyq memlekettik qazy­­nalyq kásipornynyń dırektory Sáýle Bóribaeva, «Júsipbek Elebekov atyndaǵy respýblıkalyq estradalyq-sırk kolledji» res­pýb­lıkalyq memle­kettik qazy­nalyq kásipornynyń dırek­tory, Qazaqstannyń eńbek sińir­gen qaı­ratkeri Jeńis Seıdýl­lauly, dástúrli ánshi, Qazaqstannyń eńbek sińirgen qaıratkeri Ardaq Balajanova  mara­pattap, qarjylaı syılyq tabys­tady. Jeńimpazdar arasynda Túrkistan oblysynyń ókilderi de baryn aıta ketelik.  My­saly, mýzeı salasy boıynsha «Úzdik mádenıet, óner mýzeıi» atalymyna Túrkistan oblystyq «Beıneleý óneri mýzeıi» laıyq dep tanyldy. Júlde qory – 1 000 000 teńge. Kitaphana salasy boıynsha «Úzdik aýyldyq mańyzy bar kitaphana qyzmetkeri» atalymyn Túlkibas aýdandyq ortalyqtandyrylǵan kitap­hanalar júıesi KMM jeńip aldy. «Ázilhan Nurshaıyqovtyń 100 jyldyǵy qurmetine kitaphanalar arasynda» nomınasııasy boıynsha oblystyq A.Pýshkın atyndaǵy ámbebap-ǵylymı kitaphanasy úzdik atandy. Júlde qory – 500 000 teń­ge. Sondaı-aq festıval aıasynda birqatar mádenıet salasynyń maıtalmany «Mádenıet salasynyń úzdigi» tósbelgisimen marapattaldy. Festıval sońynda Mádenıet jáne sport vıse-mınıstri Serik Jarasbaev «Qazaq áýenderi» AQ-nyń telegram kanalynda daýys berý nátıjesinde Túrkistan oblysy «Rýhanı ólke-2022» mártebesine laıyq dep tanylǵanyn jarııa etip, oblystyq mádenıet basqarmasynyń basshysy Ázimhan Qoılybaevqa arnaıy belgisin tabystady.

TÚRKISTAN