Adam balasynyń júreginde qadir tutyp qurmetteıtin eń uly uǵym – Ustaz. «Ustaz» degen qazaq balasy úshin qashanda qasıetti, qadirli uǵym bolǵan. Jaqsy jandy kórgende «Ustazy jaqsynyń – ustamy jaqsy», «Ustazdan tárbıe alǵan» nemese «Ustaz aldyn kórgen» degen sózder jıi aıtylady. Alǵash árip tanytyp, ómirdiń qyr-syryn bilýge, san qıly qubylystaryn tereń túsinýge muryndyq bolyp, jan dúnıeńe nurly shýaq túsirip, adamgershilikke baýlyǵan muǵalimniń beınesi kóńil tórinen oryn alary anyq. Ustaz ár adamnyń janyna bilim dánin seýip, ár shákirtin balapandaı aıalap, ómir atty sheksiz ǵalamǵa topshysyn qataıtyp ushyrady.
A.Ferdınand: «Kisiniń boıyndaǵy úırený qumarlyǵyn oıatqan adam, eń jaqsy muǵalim» dep naǵyz muǵalimniń kelbetin kóz aldymyzǵa ákelgendeı.
Búgin Qazaqstannyń barlyq mektebinde Sońǵy qońyraý rásimi eki jyldyq karantınnen keıin dástúrli túrde ótedi.
Saltanatty shara mektep bitirýshi túlekter úshin tolǵanysy kóp erekshe sátke toly. Sebebi, osydan on bir jyl buryn tarydaı bolyp mektep tabaldyryǵyn attaǵan balǵyndar taýdaı bolyp, altyn uıasymen qoshtasýda.
