Qoǵam • 25 Mamyr, 2022

Qazaqstanda 300 myńǵa jýyq frılanser jumys isteıdi

30 ret kórsetildi

Bul týraly Eńbek jáne halyqty áleýmettik qorǵaý birinshi vıse-mınıstri Aqmádı Sarbasov aıtty, dep habarlaıdy Egemen.kz.

Aqmádı Sarbasov О́zbekstanda ótip jatqan «Ortalyq Azııadaǵy ekonomıkalyq damý úshin tıimdi basqarý» halyqaralyq konferensııasy barysynda jumyspen qamtýdyń standartty emes túrleriniń kóbeıýi baıqalǵanyn atap ótken.

Vıse-mınıstrdiń málimetinshe, 10 jyl ishinde álemde sıfrlyq eńbek platformalarynyń sany 5 ese ósken. Platformalyq jumyspen qamtý kóptegen adam úshin aqsha tabýdyń jáne kásibı damýdyń naqty ádisine aınalýda.

«Jahandyq kompanııalardyń 40%-y óz jumysynda frılanserler sanyn arttyrýdy josparlap otyr. Al Qazaqstanda, bizdiń baǵalaýymyz boıynsha, búginde 300 myńǵa jýyq frılanser jumys isteıdi», dedi A. Sarbasov.

Spıker birqatar jańa strategııalyq bastamany da usyndy. Ol halyqtyń tabysyn 2025 jylǵa qaraı 27%-ǵa arttyrý jónindegi mindetterdi sheshýge kómektesýi tıis. Jalpy bastamalar 4 baǵytta iske asyrylady:

– oqytý jáne qaıta daıarlaý arqyly jumys kúshiniń sapasyn arttyrý;

– zańnamalyq retteý arqyly eńbek naryǵyn yryqtandyrý jáne jumystyń ıkemdi túrlerimen qamtylǵan qyzmetkerlerdi áleýmettik qorǵaýdy qamtamasyz etý;

– halyqqa kórsetiletin qyzmetterdiń sapasyn arttyrý úshin eńbek naryǵynyń ınfraqurylymyn damytý;

– eńbek naryǵynyń sıfrlyq ekojúıesin qurý arqyly qyzmetterdi aýqymdy sıfrlandyrý.

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar