Sandardan syr tartqan sáýkele

S. Seıfýllın atyndaǵy Qazaq agrotehnıkalyq ýnı­ver­sıtetiniń jerge ornalastyrý fakýlteti stýdent­teriniń qatysýymen arnaıy ázirlengen «Eń úlken sáýkele» jobasynyń tusaýkeser rásimi halqymyzdyń salt-dástúr baılyǵyn tanytatyn keremet aıshyqtarǵa toly. Stýdent jastardyń bul eńbegi álemdik rekordtar kitabyna enetin jyldyq jınaqqa kirgizýge ábden laıyq. О́ıtkeni, ol úkisi úlbiregen jaı sáýkele emes, kólemi jaǵynan ǵalamat úlken ǵajaıyp bas kıim. Táýelsizdiktiń 23 jyldyǵyna oraı tigilgen sáýkeleniń bıiktigi – 2 metr 30 sm, al ýnıversıtettiń 57 jyldyq tarıhy jaıynda jan-jaqty syr shertetin sáýkeleniń eni 5 metr 70 santımetrge deıin jetedi. Onyń mańdaı tusy Qazaqstandaǵy yntymaǵy jarasqan 140 etnos ókilderi arasyndaǵy bereke-bir­likti sıpattaıtyn 140 marjan monshaqtarmen bezendirilgen. Ulttyq bas kıim 19 ulttyq oıý-órnekpen áspettelýimen qymbat desek, bul san alýan ult pen etnostyń tutastyǵyn bir shańyraq astyna shoǵyrlandyrǵan Qazaqstan halqy Assambleıasynyń (1995 j.) 19 jyldyq eńbek jolyn bildiretin belgi bolyp sanalady. Betmonshaqtaǵy áshekeılerdiń 22 sanyn quraýynda sheteldegi qandastarymyzben ty­ǵyz qa­rym-qatynasta jumys jasap jat­qan Dúnıejúzi qazaqtary qaýymdastyǵynyń eńbek jolyna baılanysty shejirelik sıpat bar. Halyqtyń tól merekesi bıyl 26-shy ret toılanýda, osyǵan oraı sáýkele 26 áshekeı tas­pen órnektelip otyr. Astana qalasynyń 16 jyldyq belesin bederleýde 16 túrli ulttyq naqysh pen kózmonshaqtyń paıdalanylýy óz aldyna ǵajap áser qaldyrady. Jobany daıyndaýshylar, jerge ornalastyrý fakýltetiniń ustazdary men stýdentteri muny bar-joǵy 20 kúnniń ishinde jasap shyǵypty. S.Seıfýllın atyndaǵy QazATÝ-dyń basqarma tóraǵasy, professor A.Kúrishbaev óz sózin­de «Bilikti oqytýshy maman­dardyń, ǵylym doktorlary men professorlardyń kóbine biz­diń ýnıversıtetti tańdap jatýy kezdeısoqtyq emes. О́ıtkeni, oqý ornyndaǵy materıaldyq-tehnıkalyq baza, ǵylymı keshen zamanaýı úlgide qarqyndy damyp keledi. Mektep bitirýshi túlekterdiń búginde áleýmettik jaǵdaıy men bilim bazasy qalyptasqan, kórsetkish deńgeıi joǵary QazATÝ-da oqyǵysy keletini sondyqtan. Respýblıkadaǵy kez kelgen joǵary oqý ornymen tyǵyz baılanystamyz, olar bizdi qurmet tutady. Jaqynda ǵana men el Prezıdenti Nursultan Nazarbaevtyń qabyldaýynda bolǵanymda, Elba­sy bizdiń ýnıversıtettegi jaq­sy jańalyqtardan habardar ekendigin aıtty» deı kelip, mun­­da Halyqaralyq agrarlyq zertteý ýnıversıtetine kóshý ju­mystary uıymdastyrylyp jat­qandyǵyna erekshe toqtaldy. – Qazirgi tańda bizdiń aldymyzda ja­ńa, ári mańyzdy mindetter tur. Mem­leket basshysynyń tapsyrmasyna sáıkes, keleshekte «Nazarbaev Ýnıversıteti» úlgisimen bizdiń ýnıversıtettiń bazasynda álemdik deńgeıdegi zertteý ýnıversıteti qurylmaq. Bul – oqý orny úshin álemniń jetekshi agrarlyq zertteý ýnıversıtetteri deńgeıimen teńesýge jol ashatyn mańyzdy tarıhı qadam» dep atap ótti. Ýnıversıtet basshysy sondaı-aq, álemniń eń iri 20-dan astam eli joǵary oqý oryndarymen, ǵylymı-zertteý ortalyqtarymen halyqaralyq baılanys ornatylǵan bilim oshaǵynyń 600-den asa oqytýshysy men úsh tuǵyrly tildi meńgergen stýdentteri búginde sol elderde ǵylymı taǵylymdamadan ótip jatqanyn tilge tıek etti. Qytaı, Mońǵolııa, Aýǵanstan jáne TMD elderiniń stýdentteri úshin munda bilim alý zor mártebe bolyp sanalady. Endeshe, «Stýdenttik kóktem» festıvaldary aıasynda birneshe jyl qatarynan «Úzdik astanalyq joǵary oqý orny» dárejesin saqtaı alǵan oqý ornynyń 2012 jylǵy «QS» álemdik reıtıngisinde eń úzdik 8 JOO-lar qatarynan kórinýi beker emes. Al bıylǵy kóktemniń basty oqıǵasy retinde ulttyq sáýkeleniń keremeti eldi eleń etkizer jańalyqqa aınaldy. «Egemen-aqparat».