Parlament • 26 Mamyr, 2022

Qazaqstan Armenııaǵa munaı ónimderin satady

28 ret kórsetildi

Parlament Senatynda Armenııa Respýblıkasyna munaı ónimderin satý jónindegi saýda-ekonomıkalyq yntymaqtastyq kelisimi ratıfıkasııalandy, dep habarlaıdy Egemen.kz.

Energetıka vıse-mınıstri Áset Maǵaýovtyń aıtýynsha, Eýrazııa ekonomıkalyq odaq músheleri arasyndaǵy munaı jáne munaı ónimderin jetkizý 2014 jylǵy 29 mamyrdaǵy EAEO týraly shartqa sáıkes jekelegen ekijaqty kelisimmen retteledi.

2020 jylǵy 16 shildede Nur-Sultan qalasynda Armenııa Respýblıkasyna munaı ónimderin berý boıynsha saýda-ekonomıkalyq yntymaqtastyq kelisimine qol qoıylǵan.

«Kelisimge sáıkes taraptar Armenııaǵa jetkizýge ruqsat etilgen taýarlar tizbesin bekitedi. Budan ári taraptardyń vedomstvolary tıisti hattama jasaıdy. Sondyqtan eger qandaı da bir munaı ónimderi ruqsat etilgen tizimge kirmese, onda taýarlardy ákete almaıdy. Budan basqa taraptardyń quzyretti organdary jyl saıyn 1 jeltoqsanǵa deıin Qazaqstan men Reseıden Armenııaǵa taýar óndirý, ishki tutyný, ımporttaý jáne eksporttaý balansyn jasaıdy, ıaǵnı ındıkatıvti balans. Reseıdiń Armenııaǵa munaı ónimderin negizgi jetkizýshi ekenin eskere otyryp, qazaqstandyq ónimderdi yqtımal jetkizý qaldyq prınsıpi boıynsha aıqyndalady. Bul kelisimde taraptardyń ındıkatıvtik balansynda kózdelgen kólemnen tys jetkizýge tyıym bar», dedi Energetıka vıse-mınıstri.

Eýrazııa ekonomıkalyq odaq elderi arasyndaǵy saýda eksporttyq keden baj salyǵyn tólemeı, keden baqylaýynsyz júrgiziledi. Kelisimde munaı ónimderi saýdasynyń is júzindegi erekshe rejımi belgilengen jáne Qazaqstannan Armenııaǵa munaı ónimderin áketý kezindegi baqylaý tetikteri qamtylǵan.

«Osyndaı tetikter artyq munaı ónimderin Armenııanyń neǵurlym basym naryǵyna ótkizýge múmkindik beredi. Bul munaı ónimderiniń ishki teńgerimine oń áser etedi jáne Qazaqstannyń sharýashylyq júrgizýshi sýbektileriniń túsimin arttyrady, sondaı-aq Qazaqstannan munaı ónimderin áketýdi retteıdi jáne ishki naryqty qorǵaıdy. Jetkizý sharttaryn kásipkerler ózara kelisim boıynsha derbes anyqtaıtynyn atap ótken jón», dedi Á. Maǵaýov.

Eksport boıynsha mámile shetel valıýtasynda, ádette AQSh dollarynda jasalady. Sondyqtan qandaı da bir táýekelder boljanbaıdy.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar