Ekonomıka • 27 Mamyr, 2022

Ońtústik Koreıa elshisi Qostanaıǵa jumys saparymen keldi

76 ret kórsetildi

Qostanaıǵa Ońtústik Koreıanyń Qazaqstandaǵy tótenshe jáne ókiletti elshisi Ký Hong Sok jumys saparymen keldi, dep jazady Egemen.kz.

Elshi «SaryarqaAvtoProm» avtozaýytyna baryp, álemge tanymal koreı brendi «Kia» avtokóligi qurastyrylyp jatqan óndiris alańynyń jumysymen tanysty.

Zaýyt basshylary mártebeli meımanǵa «Kia Sportage» modeliniń besinshi býyny shyǵatyn usaq torapty qurastyrý jelisin kórsetti. 

Jańa úlgidegi koreı krossoveriniń shanaǵy Qostanaıda dánekerlenip jatyr. Shanaqty boıaý jumystary da osynda atqarylady. Alaıda  zaýyt jumysshylary koreılik qurylǵylardy basqarýdy ábden meńgerip alǵansha, óndiriske sheteldik mamandar aralasatyn bolady.  

Ký Hong Sok myrzanyń aıtýynsha, aldaǵy ýaqytta Qostanaıda jasalatyn «Kia» avtokólikteriniń jergilikti úlesin arttyrý arqyly Qazaqstan men Koreıanyń kólik ónerkásibi salasyndaǵy yntymaqtastyǵyn nyǵaıta túsý kózdelip otyr.

Qostana zaýytyndaǵy jańa úlgidegi usaq torapty óndiris Qazaqstannyń avtoónerkásibin  damytýdyń jańa vektory bola alady jáne jergilikti avtozaýytty ilgeriletetin tıimdi tájirıbe bolyp tabylady», dedi Elshi.

Bıyl on eki jyldyq belesin baǵyndyryp otyrǵan «SaryarqaAvtoProm» osy ýaqytqa deıin 200 myńǵa jýyq kólik qurastyryp shyǵarypty. Búginde Qostanaılyq temir tulparlardyń birazy ishki naryqtaǵy suranysty ótep jatsa, birazy syrtqy saýdaǵa shyǵarylyp jatyr.  

Sońǵy jańalyqtar

Dollar arzandady

Qarjy • Keshe

Uqsas jańalyqtar