Kókjaılaýdy qoqystan tazartty

Uıymdastyrýshylar sen­bilik ótetin oryn kezdeısoq tań­dalmaǵanyn aıtady. Kókjaı­laýdyń tanymaldylyǵy aımaq­tyń ekojúıeleriniń jaǵdaıyna keri áser etti.

Qoǵamdyq is-sharany uıymdas­tyr­ǵan yntaly toptyń biri Kaz Eco Patrol-diń ókili Alek­sandra Adversa­nyń baıan­daýynsha, Kókjaılaýǵa degen alma­ty­lyqtardyń yqylasy erekshe. Sodan keıin bıylǵy senbilik bary­synda almatylyqtarda eko­lo­gııalyq jáne tazalyq máde­nıetiniń qalyptasyp qal­ǵany aıqyn kórindi. Senbilik nátıjesi kórsetkendeı, qoqys qaldyqtary aldyńǵy jyldar­men salystyrǵanda az shyǵaryldy. Bul – jaǵymdy jańalyq. Degen­men senbilikke qatysýshylar aıaldamaǵa deıin 10 shaqty qap qoqys jınaǵan. Tabıǵatqa shyǵatyn almatylyqtar arasynda temeki tartqandy unatatyndar da kóp eken. S.Adversa aıtyp ótkendeı, Kókjaılaý baǵy­tyn betke alǵan tazalyq saqshy­lary – «Prosveshenes» demalys úıi, ekinshi top – «Alma-Ara­san» demalys baǵytyndaǵy taý shat­qalda­ryn tazalap, Kókjaılaýda kezdesti. Taratyp aıtqanda, eki baǵytty betke alǵan demalys saqshylary «Kezdesý orny – Kókjaılaý» degen ustanymǵa basymdyq berdi.

Aǵashtardy qýraǵan buta­ǵynan tazartyp, jol boıyndaǵy oryndyqtardy, jol belgilerin tazalap, boıap, retke keltirdi. Jastardyń aıtýynsha, bul senbilik burynǵydan ózgeshe. Se­bebi olar jınalǵan qoqys arasynan plastıkter­di bólip alyp, qaldyqtardy qaıta óń­deý­ge ótkizgen. S.Adverse sóz arasynda ­jaz-kúz maýsymynda mundaı senbilikterdi jıi ótkizý tek ekologııa­lyq jaǵynan emes, ekonomıkalyq ja­ǵy­nan da tıimdi ekenin atap ótti. Se­bebi jyldaǵydaı taý shatqaldarynan jıyl­ǵan qoqys qaldyqtarynyń 80 paıyzy – PET bótelkeleri.