Bul elde maýsymnyń 5-i kúni 2 saılaý ýchaskesi ashylady. Onyń biri Berlındegi Qazaqstan elshiliginde bolsa, ekinshisi Maındaǵy Frankfýrt qalasyndaǵy bas konsýldyq. Germanııadaǵy otandastarymyzǵa konsýldyq bóliminiń qyzmetkerleri referendým ótetini jaıly habar taratqan. Búginge deıin 200-den asa azamat daýys beretinin rastaǵan. Ata zańymyzǵa ózgertýler engizý boıynsha referendýmǵa Germanııa aýmaǵynda jumys istep júrgen qazaqstandyqtar, stýdentter jáne dıplomattar men olardyń otbasy músheleri qatysady.
«Referendýmǵa daıyndyq júrgizgen kezde bizdiń konsýldyq bólimder búkil Germanııada qazirgi tańda júrgen qazaqstandyq azamattarǵa aqparat berip, elshiliktiń bas konsýldyq saıttarynda, áleýmettik jelilerde, paraqshalarynda habarmalar jarııaladyq. Germanııada júrgen Qazaqstannyń 18 jasqa tolǵan jáne belsendi saılaý quqyǵyna ıe azamattar qatysa alady. Biz aýqymdy jumys ótkizdik. Osyǵan baılanysty qazirgi tizimde bizde eki júzden asa, úsh júzge baratyndaı Qazaqstan azamaty tirkelgen. Olar jeksenbi kúni kelip, óz daýystaryn beredi dep oılaımyz», dedi №247-shi saılaý ýchaskesi komıssııasynyń tóraǵasy Sholpan Shynasylova.
Aıana Toǵanbek
