«Vedomstvo Ákimshilik quqyq buzýshylyq týraly kodekske sapasyz ınternet úshin salynatyn aıyppuldyń mólsherin ulǵaıtatyn ózgerister ázirledi. Atap aıtsaq, iri bıznes nysandaryna sapasyz ınternet usynǵany úshin salynatyn aıyppul 100 aılyq eseptik kórsetkishten (318 000 teńge) 1000 AEK-ke (3 180 000 teńge) deıin ulǵaıtylmaq. Al olqylyq bir jyldyń ishinde ekinshi ret qaıtalansa, aıyppul 1500 AEK-ke (4 770 000 teńge) kóteriledi», dep jazady vedomstvo mamandary.
Vedomstvo tarapynan sapasyz ınternet úshin 132 mln teńgege aıyppul salynǵan. Al atalǵan salada qyzmet kórsetetin operatorlar byltyr 884 mlrd teńge tabys tapqan. Sonda salynǵan aıyppul kólemi tabystyń 0,01% ǵana degen sóz.
«Osyny negizge alsaq, ınternet sapasyna baılanysty salynatyn aıyppul ulǵaısa, tarıfter de ósýi kerek degen ýájdiń esh negizi joq», delingen vedomstvo habarlamasynda.
Aıana Toǵanbek
