Is-sharanyń moderatory, Tuńǵysh Prezıdent – Elbasy kitaphanasynyń dırektory Baqytjan Temirbolat alǵysózinde konstıtýsııalyq ózgeristerdiń respýblıkalyq referendýmy aldaǵy reformalardyń turaqty traektorııasyn aıqyndaıtynyn aıtty. «Memleket basshysy prezıdenttik qyzmetiniń alǵashqy kúnderinen bastap qoǵamnyń ózin ózi uıymdastyrý tetikterin belsendi túrde ilgeriletip keledi. Konstıtýsııalyq ózgerister azamattyq jaýapkershilikti arttyrýǵa múmkindik beredi», dep atap ótti ol.
Al L.N.Gýmılev atyndaǵy EUÝ professory, Konstıtýsııaǵa ózgerister engizý boıynsha usynystar ázirleý jónindegi jumys tobynyń múshesi Ermek Ábdirasulov referendýmnyń azamattardyń erik bildirýiniń, olardyń memlekettik basqarýǵa tikeleı qatysýynyń mańyzdy úlgisi ekenin alǵa tartty. «Konstıtýsııaǵa engizilmek ózgerister men tolyqtyrýlar «Myqty Prezıdent – Yqpaldy Parlament – Esep beretin Úkimet» úlgisin ustanatyn Ekinshi respýblıkaǵa aınalýǵa baǵyttalǵan. Keshendi ózgerister qoǵamdyq qatynastardyń barlyq salalaryna áser etedi», dedi bul jaıynda sarapshy.
Jıynda sóz tizginin alǵan Amanat partııasy qoǵamdyq saıasat ınstıtýtynyń dırektory, saıası ǵylymdardyń kandıdaty Mádına Nurǵalıeva elimiz basynan ótkerip jatqan tarıhı kezeńde evolıýsııalyq damý men saıası sana-sezimniń artýy kóptegen sheshimderdi Parlament arqyly emes, jalpyhalyqtyq daýys berý arqyly qabyldaýǵa múmkindik beretinine nazar aýdardy.
«Álemniń qubylmaly ahýaly men jyldam ózgeretin geosaıası jaǵdaıynda, zamannyń jańa talaptary men syn-qaterleri tusynda ótkiziletin referendým memleketti saıası turǵydan túbegeıli jańǵyrtýdy jedeldetip, talaptarǵa saı bolýdy qamtamasyz etedi. Kóz aldymyzda bılik pen qoǵam arasyndaǵy qarym-qatynas pen ózara árekettesýdiń jańa úlgisi qalyptasyp keledi», dedi jıynda oıyn ortaǵa salǵan Memleket tarıhy ınstıtýty dırektory, tarıh ǵylymdarynyń doktory Erkin Ábil.
Dóńgelek ústel barysynda Nur-Sultan qalasy máslıhatynyń depýtaty, G-Park kompanııasynyń bas dırektory Ǵabıt Satmaǵambetov, Ál-Farabı atyndaǵy Qazaq ulttyq ýnıversıtetiniń professory Ǵazız Telebaev, Prezıdent janyndaǵy Qazaqstan strategııalyq zertteýler ınstıtýty Saıası zertteýler bóliminiń basshysy Ermek Toqtarov, Astana IT University professory Sáýle Mamytova, qoǵamdyq-saıası jáne áleýmettik máseleler jónindegi sarapshy Saǵyntaı Berdaǵulova baıandama jasap, demokratııalyq ózgeristerdiń baǵyttaryna jan-jaqty toqtaldy.
Pikirtalasty qorytyndylaı kele, moderator B.Temirbolat dóńgelek ústelge qatysýshylarǵa alǵysyn bildirip, elimiz úshin osyndaı taǵdyrsheshti ýaqytta eshkim de shette qalmaýy tıis ekenin jáne árkim óziniń tarıhı tańdaýyn jasaı alatynyn atap ótti.
