Bul týraly «Kazakh Tourism» AQ Ulttyq kompanııasynyń basqarýshy dırektory Danıel Serjanuly aıtty.
«Elde endi ǵana týrıstik maýsym bastaldy. Bıyl 6 mıllıonnan asa qazaqstandyq týrıst el ishinde saıahat jasaıdy degen boljam bar. Bul san artýy da múmkin. Biz kórsetiletin qyzmetterdiń sapasyn arttyryp, týrısterge qajetti jaǵdaıdy jasaǵymyz keledi. Ásirese, júıeli, uıymdastyrylǵan týrızmdi damytý mańyzdy. Sheteldik týrısterdiń de qalaýyn eskergen jón. Elimizge Reseı men TMD elderinen qonaqtar jıi keledi», dedi Danıel Serjanuly.
Onyń sózinshe, Qazaqstan otandyq týrızmdi damytýda arab elderiniń tájirıbesine súıenedi.
«Bıyl byltyrmen salystyrǵanda Reseıden kelgen týrıster sany jeti esege artty. Bul kórsetkish taǵy artýy múmkin. Sebebi bul kúnderi Ombyda, Novosıbırskide, Ekaterınbýrgta, Sankt-Peterbýrg pen Máskeýde qazaqstandyq týrızmniń tanystyrylýy ótip jatyr. Qazirdiń ózinde kórshi elden shop-týrmen kelýde», dedi spıker.
Aıana Toǵanbek
