«30 mamyrda polısııa bólimine jergilikti turǵynǵa qatysty shara qabyldaý týraly aryz tústi. Aryz túsirgen áıeldiń aıtýynsha, ol úılerdiń biriniń aýlasynda 2012 jyly týǵan ulyna dene jaraqatyn salǵan», dep túsindirdi Aqmola oblysy PD baspasóz qyzmeti.
Polıseıler oıyn alańynda oınap júrgen balalar arasynda janjal týyndaǵanyn anyqtady. Nátıjesinde uldardyń biri ákesine shaǵymdanǵan. Er adam ulyn qorlaǵan balaǵa jaqyndap baryp, betinen urdy.
Densaýlyqqa keltirilgen zııannyń aýyrlyǵyn anyqtaý úshin sot-medısınalyq saraptama taǵaıyndaldy.
Atalǵan fakti boıynsha, QR QK 107-baby, 2-bóligi, 8-tarmaǵy «Kórineý kámeletke tolmaǵan adamǵa qatysty densaýlyqqa qasaqana aýyrlyǵy ortasha zııan keltirý» boıynsha sotqa deıingi tergeý júrgizilip jatyr.
Sotqa deıingi tergeý jalǵasýda.
