Referendýmnyń ótýine az-aq ýaqyt qaldy. Bul joly halyq sanaq nátıjesiniń burmalanbaıtynyna sengisi keledi. Bul joly osyǵan deıingi saılaýlarda baıqalǵandaı, senimsizdik kózqaras baıqalmaǵany úmittendiredi. Jalpy, referendým halyqtyń memleketke degen senimin qaıtarýǵa jasalǵan ıgi qadam bolmaq.
El memlekettik basqarý deńgeıinde de sapaly ózgerister bolǵanyn qalaıdy. Qazir Memlekettik qyzmet agenttigi bıýrokratııasyzdandyrý boıynsha jumysty bastady. Teorııalyq turǵydan memlekettik qyzmettegi rásimder men qujat aınalymynyń jartysyn, tipti ýaqyt óte kele 80 paıyzyn alyp tastaýǵa bolady. Ulttyq ekonomıka mınıstrligi men Sybaılas jemqorlyqqa qarsy is-qımyl agenttigi bloktyq bıýdjet, bıýdjetti josparlaýdaǵy bıýrokratııanyń bárin joıý, memlekettik organdardyń jumys jyldamdyǵyn arttyrýǵa basymdyq bere bastady. Osy bastamalardyń barlyǵy formalızmge aınalmaıdy dep senemin.
Oljas QUDAIBERGENOV,
ekonomıst
