Tólebı aýdanynyń polıseıleri túngi qaýipsizdikti saqtaý maqsatynda reıdtik shara júrgizdi. Nátıjesinde, polısııa qyzmetkerleri Ońtústik aýylyna baratyn tas joldyń boıynda túngi saǵat 02:45 shamasynda Toyota Carina avtokóligin toqtatty. Júrgizýshiniń qujattaryn tekserý barysynda onyń Aqtaý qalasynyń turǵyny ekeni belgili boldy.
Polıseıler onyń mas kúıine kúmán keltirip, oǵan medısınalyq saraptama taǵaıyndady. Zertteý qorytyndysyna sáıkes, júrgizýshiniń alkogoldik masań kúıde ekeni anyqtaldy.
Tártip saqshylary atalǵan faktini QR ÁQBtK-niń 608-baby 1-bóligi (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarýyna berý) boıynsha tirkep, aýdandyq sotqa joldady.
Tólebı aýdandyq sotynyń sheshimine sáıkes, júrgizýshi QR ÁQBtK-niń 608-baby boıynsha kináli dep tanylyp, 15 táýlikke ákimshilik qamaýǵa alynyp, jeti jyl merzimge kólik quralyn basqarý quqyǵynan aıyryldy.
Aıana Toǵanbek
