«ArselorMıttal Temirtaý» AQ - ishinara eýropalyq kompanııalardyń biri. Eýroodaq pen Qazaqstan arasynda keńeıtilgen áriptestik pen yntymaqtastyq týraly shart jasaldy. Sonyń arqasynda Eýroodaq pen Qazaqstan arasyndaǵy saýda tek damyp keledi. Bizge jasyl energetıka men ekonomıkaǵa kóshý úshin seriktes qajet. Meniń oıymsha, Qazaqstanǵa da jumys oryndaryn ashý úshin zamanaýı tehnologııalar, jańa ınvestorlar qajet. Jaqyn arada biz bul taqyrypty Úkimetpen talqylaıtyn bolamyz. Biz yntymaqtastyqtyń jańa baǵyttaryn izdestirý úshin bar kúshimizdi salamyz», dedi Eýropalyq Odaqtyń Qazaqstan Respýblıkasyndaǵy Elshisi Kestýtıs Iаnkaýskas myrza.
«ArselorMıttal Temirtaý» AQ basshylyǵy dıplomattar úshin metallýrgııa kombınaty boıynsha ekskýrsııa ótkizdi. Qonaqtar №3 domna peshine baryp, shoıyn óndirý prosesin baqylady.
Odan ári qonaqtar ystyq myryshtaý jáne alıýmınııleý sehyn aralap, jumysymen tanysty.
Eýropalyq Odaq pen Nıderland Koroldigi delegasııasynyń Qazaqstan Respýblıkasyndaǵy músheleri kompanııamen yntymaqtastyqtyń keleshegi zor ekenin atap ótti.
«Atalǵan metallýrgııa kombınatynda sapaly ónim óndiriletinine kózimizdi jetkizdik», dep atap ótti Nıderlandy Koroldiginiń Qazaqstan Respýblıkasyndaǵy Elshisi Andre Karstens myrza.
