Qoǵam • 02 Maýsym, 2022

Elordada ınklıýzıvti balabaqsha ashyldy

67 ret kórsetildi

1 maýsym Halyqaralyq balalardy qorǵaý kúninde Nur-Sultan qalasynda erekshe qajettilikteri bar balalarǵa arnalǵan balabaqsha ashyldy, dep habarlaıdy Egemen.kz.

Jańadan ashylǵan ınklıýzıvti balabaqsha 2 jastan 7 jasqa deıingi balalardy qabyldaıdy. Baqshanyń jaıly jáne jaryq bólmeleri ońaltýǵa qajetti zamanaýı jabdyqtarmen jabdyqtalǵan. Bilim berý baǵdarlamasy erekshe balanyń óz qatarynan qalmaı bilim alýyna beıimdelip qurylǵan, sonymen birge tárbıeshiler qoldanatyn arnaıy ádister balanyń bilim baǵdarlamasyn tolyǵymen ıgerýine kómektesedi.

Atalǵan joba Nur-Sultan qalasy ákimdiginiń qoldaýymen iske asýda. Jobanyń biregeıligi erekshe qajettilikteri bar balalarǵa alǵash ret Astana medısına ýnıversıtetiniń professorlyq-oqytýshylyq quramy tarapynan medısınalyq-ońaltý kómek kórsetiletindiginde.

E

Endi bul baqshaǵa sóıleý qabileti, aýtızm spektri, ortalyq júıke júıesi buzylǵan jáne basqa da erekshelikteri bar balalar medısınalyq-pedagogıkalyq kómektiń tolyq keshenin alatyn bolady.

Balalarmen logoped-defektolog, reabılıtolog, balalar nevropatology, pedıatr, pedagog-psıholog, ergoterapevt, kınezıoterapevt, sondaı-aq sýrdolog otornolarıngolog jáne nýtrısıolog sekildi tájirıbeli mamandar aınalysady. Balabaqsha AstMÝ-dyń klınıkalyq bazasyna aınalady, onda medısına stýdentteri mektepke deıingi uıymdar deńgeıinde balalarǵa kómek kórsetý boıynsha qosymsha biliktilikke ıe bolady.

«Mektepke deıingi mekemelerde erekshe qajettilikteri bar balalardyń beıimdelýi jyldamyraq ótedi, sebebi deni saý qatarlastarynyń arasynda olar áleýmettik tájirıbege ıe bolady.

Prezıdent bıylǵy jyldy balalar jyly dep jarııalady jáne bizdiń mindetimiz - óskeleń urpaqtyń úılesimdi damýy men baqytty balalyq shaǵyn qamtamasyz etý», dep atap ótti Astana medısına ýnıversıtetiniń Basqarma Tóraǵasy-Rektory Kamaljan Nadyrov.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar