Zaınıddın Mahamatuly qaladaǵy jáne aýyldaǵy ýchaskelerge de bardyq, uıymdastyrylý deńgeıi kóńil qýantady, saıası bastamaǵa halyqtyń nemquraıdy qaramaıtynyn baıqadyq deıdi.
«Biz Qazaqstanǵa keshe keldik. Ortalyq saılaý komıssııasynyń tóraǵasy Nurlan Májıtulymen kezdestik. Ol kisi referendýmǵa daıyndyq kezeńderi týraly habardar etti. Biz barlyq ózgerister jóninde habardarmyz. Búgin tańerteń referendým ýchaskeleriniń ashylýyna kýá boldyq. Tańererteń bizdiń mıssııamyz onnan astam ýchaskege bardy. Olardyń altaýy – Nur-Sultan qalasynda, beseýi – Aqmola oblysynda. Barlyq ýchaskede referendýmnyń júrý barysynyń kýási boldyq. Bári tynysh, joǵary deńgeıde ótip jatyr. Ýchaske basshylarynyń aıtýynsha, saǵat 10 shamasynda daýys berýshilerdiń 10-12 paıyzy belsendilik tanytyp, daýys bergen. Halyq arasynan jastardy kóp baıqadyq. Qazaqstan jastary óz bolashaǵyna beı-jaı qaramaıdy eken. Bizdi qýantqan bir jaǵdaı – referendým komıssııanyń músheleri árbir máseleni joǵary kásibı deńgeıde qarastyryp jatyr. Halyqtyń Konstıtýsııada jazylǵan quqyǵyn óteýi úshin barlyq jaǵdaı jasalǵan. Biz aýyldyq jerlerde de úsh ýchaskede boldyq. Eldi mekendegi jaǵdaı da, belsendilik te qalalyq ýchaskelermen birdeı. Kúnniń ekinshi jartysynda basqa da ýchaskelerge baramyz», deıdi Zaınıddın Nızamhojaev.
Túrkııa delegasııasy saparyn áýeli túrik dúnıesiniń altyn besigi – Túrkistannan bastaǵan.
«Birinshi kezekte túrik halqynyń Qazaqstanǵa ystyq sálemin jetkizemin. Konstıtýsııanyń úshten bir bóligine ózgerister men tolyqtyrýlar engizilgeli otyr. Ortalyq Saılaý komıssııasynyń tóraǵasy Nurlan Ábdirovtyń shaqyrýymen Qazaqstandaǵy referendýmǵa halyqaralyq baıqaýshy retinde qatysyp otyrmyz. Áýeli biz Túrkistan qalasyna ushyp kelip, qaladaǵy referendýmǵa daıyndyq barysymen tanysyp qaıttyq. Uıymdastyrý jumystarynyń joǵary deńgeıde jasalǵanyna kóz jetkizdik. Búgin tańerteńnen bastap birneshe saılaý ýchaskesine barý múmkindigine ıe boldyq. Qatysý deńgeıiniń joǵary ekenin ańǵardyq. Referendým jıi qoldanylatyn qural emes, biraq demokratııaǵa jol bastaýdaǵy mańyzy zor. Qazaqstannyń sońǵy 27 jylda alǵash ret referendým ótkizip otyrǵanyn da bilemiz. О́tkizilip jatqan saıası is-sharanyń Qazaqstannyń halqyna, eline jáne demokratııasyna orasan paıdasy tıedi dep úmittenemiz», dedi Túrkııa Joǵary saılaý keńesiniń tóraǵasy Mýharem Akkaııa.
