«2022 jyldyń 1 qańtaryna deıin «QazTransGaz Aımaq» básekelestik naryqqa qatysqan bolatyn. Olar gazdy úıdiń ishine deıin qosýdy qamtamasyz etken. Olardyń qyzmeti 1 qańtarda toqtaǵan, óıtkeni QR Básekelestikti qorǵaý jáne damytý agenttigi saladaǵy básekelestikke nuqsan keltiresińder degen ýáj aıtqan. Qazir agenttik bul máselege baılanysty túsinistik tanytyp otyr. Osy oraıda «QazTransGaz Aımaq» kompanııasy qaıtadan osy naryqtaǵy qyzmetin jandandyrýy múmkin. Bul rette gazdy úıge tartý qyzmetiniń quny arzandaýy yqtımal», dedi S. Jarkeshev.
Osy oraıda ol jeke úılerdi gazǵa qosý qyzmetine tólem somasy eselep arzandaıtynyn aıtty.
«Bizdiń qyzmettiń quny - 113 myń teńge. Al jeke merdigerler 400-450 myń teńge shamasynda gazǵa qosyp júr. Osy oraıda básekelestiktiń arqasynda bul qyzmettiń quny 3 ese arzandaıdy degen oıdamyz. Qazaqstan boıynsha bir baǵa belgilenedi», dedi Basqarma tóraǵasy.
