«Zertteýler men taldaýlar júrgizgennen keıin biz birinshi synyp oqýshysyna birden 3 tildi meńgerý qıyn ekenin kórdik. Bul – tıimsiz. Biz bul máselege qatysty sheshim qabyldadyq. Endi qazaq tilinde oqıtyn mektepterde 1-synyp oqýshysy bir ǵana tildi, ıaǵnı qazaq tilin meńgeredi. Biz balanyń aldymen óz ana tilinde oqýdy jáne jazýdy úırenýi úshin tıisti jumys júrgizip jatyrmyz. Ekinshi synypta baǵdarlamaǵa orys tili, úshinshi synypta aǵylshyn tili qosylady. Orys tilinde oqıtyn mektepterde 1-synypta orys tili men memlekettik til, al 3-synyptan bastap aǵylshyn tili oqytylatyn bolady», dep túsindirgen mınıstr.
Vedomstvo basshysynyń aıtýynsha, mundaı usynystar buryn da kelip túetin, sol sebepti ony mektepterde engizý josparlanyp otyr.
