«Aýyl» halyqtyq-demokratııalyq patrıottyq partııasynyń tóraǵasy, senator Álı Bektaev elimizde 27 jyldan keıin ótken jalpyhalyqtyq referendým qorytyndysyna baılanysty málimdeme jasady.
BAQ ókilderimen kezdesý barysynda ol konstıtýsııalyq reformalardy talqylaý isine atsalysyp, ózgeristerdi qoldap, elimiz úshin demokratııalyq damý jolyn tańdaǵan partııalastaryna alǵysyn bildirdi.
«Biz úshin damýdyń jalǵyz ǵana joly bar. Ol – demokratııalyq jol. Tek demokratııalyq júıede ǵana qoǵamnyń árbir múshesi memlekettik saıasatty qalyptastyrýda teń quqyqqa ıe bola alady. Keshegi referendým arqyly barsha Qazaqstan halqy osy joldy tańdady dep bilemin. Konstıtýsııaǵa engizilgen ózgeristerdi eń aldymen adam quqyn qorǵaý turǵysynda ilgeri qadam dep qabyldaımyz. Atalǵan ózgerister elimizdegi árbir azamattyń múddesine qyzmet etip, Ádiletti Qazaqstandy qalyptastyrýdyń negizi bolmaq.
Eń bastysy, memleket basqarý júıesinde demokratııalyq prınsıpterge basymdyq berilmek. Joǵary zań shyǵarýshy jáne jergilikti ókiletti organdardyń, ıaǵnı májilis pen máslıhattardyń quzyreti kúsheıtiledi. Sol arqyly qarapaıym turǵyndardyń memleket basqarý tetikterine yqpaly artady.
Referendýmnyń nátıjesinde elimizdiń Negizgi Zańy reformalandy. Aldymyzda qoǵamdy irgeli ózgerister kútip tur. Bul ońaı jol emes. Ata Zańymyzǵa engizilgen sol ózgeristerdiń ıgiligin kórý úshin elimizdiń árbir azamaty sanaly qadam jasap, salıqaly qoǵam qalyptastyrýǵa atsalysýy kerek», degen ol «Aýyl» patrıottyq partııasynyń 5 maýsymda ótken jalpyulttyq referendýmnyń nátıjesin tolyq quptaıtynyn aıtty.
Partııanyń 700-den astam múshesi, aımaqtardaǵy belsendileri referendým barysyn baqylaý isine atsalysyp, daýys berý ýchaskelerinde partııanyń atynan ókildik etken. Á.Bektaev málimdemesinde «Aýyl» partııasynyń ókilderi bolǵan ýchaskelerde eshqandaı zań buzýshylyqtyń tirkelmegenin habarlady. «Sondyqtan «Aýyl» partııasy jalpyulttyq referendýmnyń uıymdastyrylýy men ótkizilý barysynyń Qazaqstan zańdaryna tolyq saı bolǵandyǵyn málimdeıdi», dedi sóz sońynda partııa tóraǵasy.
Sondaı-aq Álı Bektaev «Aýyl» partııasynyń belsendileri Májilis deńgeıinde bolatyn talqylaýlardan tys qalmaıtynyn, zań shyǵarý prosesinde óz oılary men utymdy usynystaryn udaıy aıtyp otyratynyn jetkizdi.
Reseıde qazaqstandyq júk kólikteri jol apatyna ushyrady
Álem • Búgin, 22:09
Beınebaqylaý kamerasynyń kómegi kóp
Qoǵam • Búgin, 21:49
Assambleıa Petropavl qalasyndaǵy arandatýshylyqty qatań aıyptaıdy
Qoǵam • Búgin, 21:16
SQO-da makaron ónimderiniń baǵasy 40% arzandady
Qoǵam • Búgin, 20:42
Jeke kýálikti jedel jasatý quny qansha turady?
Qoǵam • Búgin, 20:17
«Nauryz» serıaldar báıgesiniń jeńimpazdary anyqtaldy
Mádenıet • Búgin, 19:44
Uqsas jańalyqtar
