Bilim • 07 Maýsym, 2022

Qazaqstanda úsh tildi oqytýǵa qatysty ózgeris engiziledi

55 ret kórsetildi

Bilim jáne ǵylym mınıstri Ashat Aımaǵambetov bıyl jańa oqý jylynan bastap aǵylshyn tili tek úshinshi synyptan bastap oqytylatynyn málimdedi, dep habarlaıdy Egemen.kz.

Buǵan deıin mınıstr aǵylshyn tilin 1-synyptan emes, 3-synyptap bastap engizý josparlanyp otyrǵanyn málimdegen bolatyn. 

«Biz bıyl birinshi qyrkúıekten, ıaǵnı jańa oqý jylynan bastap osy ózgeristi engizýge daıyndyq jumystaryn júrgizip jatyrmyz. Birinshi synypta oqýshylar óz ana tilin meńgerip alýy kerek. Qazaq tilinde oqyp-jazýǵa daǵdylanǵannan keıin, 2-synypta orys tilin úırený áldeqaıda jeńil bolady. Al úshinshi synypta aǵylshyn tilin oqý da jeńildeıdi», dedi Ashat Aımaǵambetov.

Onyń aıtýynsha, qazirgi tańda 1-synypqa kelgen 6 jasar búldirshin úsh tildi qatar alyp júrýge tıis.

«Bizde uıǵyr jáne taǵy basqa ulttyq mektepter bar ekenin bilesizder. Ol mektepterde tipti tórt til oqıtyn. Biz aldyńǵy jyly osy mektepter úshin bir tildi azaıttyq. Endi bıyldan bastap qazaq tilinde oqıtyn balalar úshin de dál osyndaı ózgeris engizilip jatyr. Iаǵnı eń basty mindet ana tilin ıgerip alý», dep túsindirdi mınıstr.

Sondaı-aq mınıstr aǵylshyn tilin úshinshi synyptan bastap oqytý ádistemege baılanysty ekenin aıtty. Aımaǵambetov bul sheshimnen astar izdemeýge shaqyrdy. Sheshim arnaıy ǵylymı negizdemege súıenip qabyldanǵan. Ol oqýlyqtardy bıyl jańartýdyń eshqandaı qıyndyǵy da, qajettiligi de joq ekenin málimdedi.

Arýjan Amangeldi

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar