Osylaısha ulttyq kompanııa Áıelderdiń quqyqtary men múmkindikterin keńeıtý qaǵıdattarynyń (Women’s Empowerment Principles) jahandyq platformasynda sátti tirkeldi.
Is-shara kezinde «BUU-áıelder» qurylymynyń Qazaqstandaǵy ókili Marııa Dosenko kompanııalar men bıznes qurylymdar arasynda WEPs ilgeriletý boıynsha Qazaqstannyń Ortalyq Azııada kóshbasshy bolyp tabylatynyn atap ótti.
«Pandemııa búkil álemdegi, sonyń ishinde Qazaqstandaǵy ekonomıka men bıznestiń damýyna úlken áser etti. Sondyqtan biz «Báıterek» holdınginiń Qazaqstandaǵy alǵashqy, pandemııadan keıingi kezeńde WEPs qaǵıdattaryna qol qoıǵan bastamasy aq jol ashyp otyr dep sanaımyz. Biz holdıngtiń áıelderdiń quqyqtary men múmkindikterin keńeıtý qaǵıdattaryna qosylýyn quptaı otyryp, onyń dáleldi isi Qazaqstannyń basqa kompanııalary úshin de úlgi bolady dep úmittenemiz, dedi M.Dosenko.
О́z kezeginde Qanat Sharlapaev holdıngte BUU-nyń Turaqty damý maqsattaryn iske asyrýǵa erekshe kóńil bólinetinin atap ótti. «Turaqty damý maqsattardyń mańyzdy tusynyń biri – genderlik teńdikti qamtamasyz etý jáne áıelderdiń quqyqtary men múmkindikterin keńeıtý. Holdıng óz qyzmetin júzege asyrý kezinde teń múmkindikter berý qaǵıdatyn basshylyqqa alady jáne óz qyzmetkerlerin, onyń ishinde genderlik belgisi boıynsha kemsitýge jol bermeıdi. Holdıngtiń BUU bastamasyna qosylýy genderlik teńdik máseleleri boıynsha korporatıvtik kóshbasshylyqty joǵary deńgeıde odan ári qoldaý boıynsha mańyzdy qadam bolyp tabylady», dep atap ótti basqarma tóraǵasy.
Qanat Sharlapaev «BUU-áıelder» qurylymnyń atqarýshy dırektorynyń orynbasary Anıta Bhatııamen kezdesý kezinde holdıngtiń tek kompanııa ishinde emes, el kóleminde de áıelderdi qoldaý jónindegi qyzmeti týraly habardar etti.
Onyń aıtýynsha, «Báıterek» áıelder bastamalary men kóshbasshylyǵyna barynsha járdemdesip keledi. Holdıngtiń biryńǵaı kadr saıasatyna sáıkes 2022-2024 jyldarǵa arnalǵan KPI retinde damý josparlaryna «Holdıng pen enshiles uıymdardyń basshylyǵyndaǵy áıelder sany» kórsetkishi engizilgen. Budan bólek, holdıngtiń biryńǵaı kadr rezervine irikteý kezinde qyz-kelinshekterge basymdyq beriledi.
Sonymen qatar holdıng ómirde qıyn jaǵdaıǵa tap bolǵan áıelderge, kópbalaly jáne az qamtylǵan otbasylarda tárbıelenip jatqan balalarǵa qaıyrymdylyq kómek kórsetedi. «Báıterek» holdıngi qarjy ınstıtýty retinde áıelderge óziniń enshiles uıymdary – «Otbasy bank» AQ jáne «Damý» kásipkerlikti damytý qory» AQ arqyly «Umaı» ıpotekasyn usyndy, sondaı-aq, áıel kásipkerlerdiń jobalaryn qarjylandyrýǵa qoldaý kórsetip keledi.
Aıta keteıik, WEPs qaǵıdattaryna qol qoıý – kompanııanyń genderlik teńdikti ilgeriletýdegi jáne áıelderdiń quqyqtary men múmkindikterin keńeıtýdegi múddelilik pen belsendi ustanym týraly jarııa málimdemesi bolyp tabylady. Búgingi tańda álemde 5 myńnan astam kompanııa WEPs bastamasynyń qatysýshylary bolyp tabylady. Onyń ishinde 40-tan astam qazaqstandyq kompanııa da bar.
