Tergeý barysynda 31 jastaǵy áıeldiń atalǵan otbasyǵa bala kútýshisi bolyp jumysqa ornalasqany anyqtaldy. Ol bir aı jumys istegennen keıin shkafta jatqan aqshany baıqaıdy, keıin ıeleriniń joqtyǵyn paıdalanyp mezgil-mezgilimen urlyq jasaǵan. Jalpy alǵanda, ol 3000 AQSh dollaryn urlaǵan.
Bala kútýshisi tarapynan eshqandaı shaǵymdar bolmaǵan, biraq bir kúni úıdiń ıesi aqshanyń joǵalǵanyn baıqap, polısııaǵa júgingen.
Atalǵan faktige baılanysty QR QK 188-baby boıynsha sotqa deıingi tergeý amaldary júrgizilýde. Kúdikti óz kinásin moıyndady. Onyń elorda aýmaǵynda buryn jasalǵan osyǵan uqsas qylmystarǵa qatystylyǵyna tekserý júrgizilýde.
«Nur-Sultan qalasynyń Polısııa departamenti jumys berýshilerge bógde adamdardy jumysqa qabyldamas buryn olardyń ótken ómirine qyzyǵýshylyq tanytýdy, qujattardyń kóshirmelerin, usynys hattardy talap etýdi, sondaı-aq qyraǵy bolýdy, qundy zattardy qaraýsyz qaldyrmaýdy jáne beıtanys adamdarǵa senbeý kerektigin eske salady», delingen Nur-Sultan qalasynyń Polısııa departamenti.
