Saǵat 11:06-da Qazaqstan kóshesi, 59-da ornalasqan ǵımaratqa jarylǵysh zat salynǵany týraly habarlama kelip túsken. Shuǵyl qyzmetter tekserý júrgizý úshin oqıǵa ornyna shyqty.
«Kelýshiler men qyzmetkerler qaýipsizdik maqsatynda evakýasııalandy. Tekseris nátıjeleri boıynsha kelip túsken aqparat jalǵan bolyp shyqty», delingen ShQO JPQ baspasóz qyzmeti taratqan habarlamada.
Atalǵan fakti QR QK 273-baby boıynsha tirkelip, sotqa deıingi tergeý bastaldy.
Sol kúni saǵat 15:32-de «102» arnasyna áýejaıda bagajdy skanerlegen kezde kúdikti zat tabylǵany týraly habarlama kelip tústi.
«Qazir oqıǵa ornynda shuǵyl qyzmetter jumys istep júr, kelip túsken aqparat tekseriledi. Jolaýshylar men qyzmetkerler evakýasııalandy», delingen habarlamada.
Tıisti tekserýden keıin áýejaı óz jumysyn shtattyq rejımde qaıta bastaıdy.
