Bul Memorandým aqparattyq baǵyttaǵy ózara is-qımyldy ári qaraı jetildirý úshin taraptar arasynda yntymaqtastyq ornatýdy kózdeıdi. Sondaı-aq qujatta adam jáne azamat quqyqtaryn qorǵaý salasynda tájirıbe almasý, azamattyq jáne mádenıetaralyq dıalogtyń tıimdi joldaryn ázirlep, olardy iske asyrý jumystary da qamtylǵan.
Sonymen qatar Memorandým eki taraptyń elimizdegi adam quqyqtaryna qatysty jaǵdaılar men etnosaralyq ahýal boıynsha aqparat almasýyna jol ashady. Sol arqyly derekterge monıtorıng júrgizý jáne olardy taldaý jumysy júrgizilmek. Odan bólek, Assambleıaǵa azamattardan, sheteldikterden, azamattyǵy joq adamdardan adam quqyqtarynyń buzylýy týraly ótinishter kelip túsken jaǵdaıda Adam quqyqtary jónindegi ulttyq ortalyqty dereý habardar etý, adam quqyqtaryn qorǵaý salasynda túrli is-shara ótkizý sııaqty birlesken is-qımyldar da qarastyrylǵan.
Memorandýmǵa ózara is-qımyldyń negizgi máselelerin talqylaý nátıjesinde qol qoıylǵanyn atap ótken jón.
