Kezdesý barysynda Álıhan Smaıylov pen EQDB prezıdenti Odıl Reno-Basso hanym dekarbonızasııalaý jáne Qazaqstan ekonomıkasyn ártaraptandyrý, sondaı-aq bank sektory men kólik-logıstıka salasyn damytý boıynsha ekijaqty ózara is-qımyldyń keń aýqymdy máselelerin ortaǵa saldy.
Taraptar 30 jyldyń ishinde qarjy, ınfraqurylym, ShOB, agroónerkásiptik keshen jáne sıfrlandyrý sııaqty basym salalarda quny $11 mlrd bolatyn 300-ge jýyq joba iske asyrylǵanyn aıtty.
«Ekonomıkalyq jáne tehnologııalyq saıasat jónindegi tıimdi usynymdar men qarjy resýrstaryna qoljetimdilik turǵysynan EQDB-nyń Qazaqstan ekonomıkasyn qoldaý jónindegi turaqty kúsh-jigeri bizdiń ornyqty damýymyzǵa serpin berip keledi. О́zara tıimdi yntymaqtastyqtyń ári qaraı da jalǵasatynyna úmittenemiz», dedi Álıhan Smaıylov.
О́z kezeginde Odıl Reno-Basso EQDB atalǵan sektorlarda Qazaqstanmen birlesken jobalardy iske asyrýda zor áleýet baryn atap ótti.
Qazir bank dekarbonızasııalaýǵa, jasyl tehnologııalar men jańartylatyn energııa kózderin damytýǵa salynatyn ınvestısııalar úlesin ulǵaıtyp jatyr, bolashaqta Qazaqstan da buǵan múddeli bolýy múmkin.
Glencore kompanııasynyń bas dırektory Gerı Neıglmen kezdesý aıasynda Qazaqstanda jańa jobalardy júzege asyrý perspektıvalary talqylandy.
Qazaqstan Glencore sııaqty strategııalyq seriktestermen uzaq merzimdi yntymaqtastyqty odan ári tereńdetýge daıyn.
«Kompanııa Qazaqstannyń taý-ken óndirý salasynda mańyzdy ról atqarady. Biz seriktestikti jalǵastyrýǵa jáne ózara is–qımyldyń jańa baǵyttaryn damytýǵa nıettimiz», dedi Álıhan Smaıylov.
Philip Morris International kompanııasynyń Shyǵys Eýropa boıynsha prezıdenti Marko Marıottımen kezdesý barysynda QR Premer-Mınıstri kompanııanyń Qazaqstannyń qolaıly ınvestısııalyq ımıdjin nyǵaıtýǵa eleýli úles qosqanyn atap ótti.
