Shamalǵan-Turar tas jolynda jaıaý júrginshini kólik qaǵyp ketti.
Toyota Hilux júrgizýshisi ońtústik baǵytta kele jatqan. Onyń aıtýynsha, Úshterek aýylynan keıin qarańǵydan er adam jolǵa atyp shyqqan. Júrgizýshi qansha áreket jasaǵysy kelgenimen, onysynan túk shyqpaǵan.
Toyota júrgizýshisi oqıǵa ornyna birden jedel járdem men polısııany shaqyrǵan. Dárigerler zardap shegýshini shuǵyl túrde aýrýhanaǵa jatqyzdy. Úsh saǵattan keıin 1963 jylǵy er adam jansaqtaý bóliminde qaıtys bolǵany belgili boldy.
Jol apaty ornynda Almaty oblysynyń anyqtaýshylary men krımınalısteri jumys istedi, saraptamalar taǵaıyndaldy.
