Kásiporynnyń boljamyna qaraǵanda, 12 maýsymda sıklon jáne onymen baılanysty atmosferalyq frontaldy bólikterdiń áserinen QR terrıtorııasynda naızaǵaı oınap, eldiń ońtústik-shyǵysynda nóser jaýyn jaýady. Respýblıka boıynsha naızaǵaı oınap, burshaq jaýady, jel kúsheıedi, ońtústik-batysta shańdy daýyl turady.
Soltústik Qazaqstan oblysynyń soltústiginde, batysynda, shyǵysynda naızaǵaı oınap, burshaq jaýady, daýyl turady, túnde oblystyń ońtústiginde, kúndiz basym bóliginde jel 15-20 m/s jyldamdyqpen soǵady, ekpini 25 m/s deıin kúsheıedi.
Pavlodar oblysynyń soltústiginde naızaǵaı oınaıdy, kúndiz jeldiń jyldamdyǵy sekýndyna 15-20 metrge deıin kúsheıedi.
Qaraǵandy oblysynyń soltústiginde, shyǵysynda naızaǵaı oınap, kúndiz jeldiń jyldamdyǵy sekýndyna 15-20 metrge deıin kúsheıedi.
Shyǵys Qazaqstan oblysynyń ońtústik-batysynda naızaǵaı oınap, jel 15-20 m/s jyldamdyqpen soǵady.
Aqtóbe oblysynyń ońtústiginde naızaǵaı oınap, kúndiz ońtústikte, shyǵysta jeldiń jyldamdyǵy sekýndyna 15-20 metrge jetedi. Kúndiz soltústikte, Atyraý oblysynyń shyǵysynda – naızaǵaı oınaıdy.
Tańerteń jáne kúndiz Almaty oblysynyń shyǵysynda, taýly jáne taý bókterindegi aýdandarynda naızaǵaı oınap, burshaq jaýady, daýyl turady, jeldiń jyldamdyǵy sekýndyna 15-20 metrge deıin kúsheıedi, soltústikte, Aqmola oblysynyń ortalyǵynda naızaǵaı oınaıdy, kúndiz burshaq jaýady, jel 15-20 m/s-ke deıin kúsheıedi.
Qostanaı oblysynda túnde soltústikte, kúndiz soltústikte, batysta, shyǵysta naızaǵaı oınap, burshaq jaýady, daýyl turady, túnde soltústikte, kúndiz basym bóliginde jel 15-20 m/s jyldamdyqpen soǵady, kúndiz soltústikte, Batys Qazaqstan oblysynyń ortalyq bóliginde naızaǵaı oınaıdy.
Túrkistan oblysynyń batysynda, ońtústiginde, taýly jáne taý bókterindegi aýdandarynda naızaǵaı oınap, daýyl turady, jeldiń jyldamdyǵy 15-20 m/s.
Jambyl oblysynyń soltústiginde, ońtústiginde, taýly aýdandarynda naızaǵaı oınap, burshaq jaýady, daýyl turady, oblystyń ońtústik-batysynda, taýly aýdandarda jeldiń jyldamdyǵy sekýndyna 15-20 metrge jetedi.
Kúndiz Qyzylorda oblysynda jel 15-20 m/s-ke deıin kúsheıedi.
Qyzylorda oblysynyń ortalyǵynda, Shyǵys Qazaqstan oblysynyń batysynda, Aqtóbe oblysynyń ońtústigi men shyǵysynda, Qostanaı oblysynyń ońtústiginde, Qaraǵandy oblysynyń batysy men ońtústiginde, Almaty oblysynyń batysynda tótenshe órt qaýipi kútiledi.
