Qazaqstan • 12 Maýsym, 2022

Kóktemgi egis jumystary oıdaǵydaı ótti

31 ret kórsetildi

Bıyl agrarshylar egin egýdi qatań ońtaıly merzimde aıaqtady. Topyraqta jınalǵan ylǵaldy saqtaý jumystary ýaqytynda júrgizildi. «Qazgıdromettiń» maýsym aıy­na jasaǵan boljamy da qolaıly boldy.

Aýyl sharýashylyǵy mınıstri Erbol Qarashókeevtiń aıtýynsha, osy faktorlardyń barlyǵy qazirgi ýaqytta astyq túsimin ortasha jyldyq kólem deńgeıinde boljaýǵa múmkindik beredi.

– Eger bıdaı týraly aıtatyn bolsaq, jalpy jıyn-terim 13-13,5 mln tonna deńgeıinde bolady dep boljap otyrmyz. Bul ótken jylǵy ónimnen shamamen 15 paıyzǵa artyq, – deıdi mınıstr.

«Qazgıdromettiń» málimetteri boıynsha, eginniń ósimi úshin qolaıly aýa raıy bolady dep kútilýde. Barlyq astyq egetin aımaqtarda jaýyn-shashyn kútilip otyr. Sonymen qatar ońtústik óńirlerde ylǵalmen qamtamasyz etý tapshylyǵy baıqalady. Osyǵan baılanysty ońtústik óńirlerdiń ákimderi sýmen qamtamasyz etý sharalaryn (lımıtterdi saqtaý, túsindirý jumystaryn júrgizý) ýaqtyly qabyldaýy qajet.

О́nimdilikti saqtaý men arttyrýdyń mańyzdy qadamy – ósimdikterdi qorǵaý sharalary. Osyǵan baılanysty oblys ákimderi aramshópter men zııankesterge qarsy hımııalyq óńdeý júrgizýdi baqylaýǵa alýǵa tıis.

Oblys ákimdikteriniń jedel derekterine sáıkes 7-maýsymdaǵy jaǵdaı boıynsha dándi daqyldardy egý Aqtóbe (97,7%) jáne Batys Qazaqstan (86,2%) oblystarynan basqa barlyq oblysta aıaqtalǵan. Atalǵan oblystarda egis jumystary egis kezeńinde qatty jaýyn-shashynǵa baılanysty keıinge qaldyrylǵan edi.

Jazdyq daqyldar 19,8 mln gektar alqapqa egildi. Bul belgilengen jospardan sál artyq. Jospar – 19 835,3 myń gektar. Kartop – 189,6 myń gektarǵa (99,4%, jospar 190,7 myń gektar), kókónis, baqsha daqyldary – 269,2 myń gektarǵa (97,4%, jospar 276,5 myń gektar), kópjyldyq shópter – 429,6 myń gektarǵa (99,7%, jospar 430,7 myń gektar) egildi.

Maıly daqyldar 3,1 mln gektarǵa (jos­par 3 094 myń gektar), qant qyzylshasy – 12,3 myń gektarǵa (jospar 11,1 myń gektar), maqta – 121,1 myń gektarǵa (jospar 114,7 myń gektar) egildi.

Jalpy egis alqaby 23,1 mln gektardy qurady. Bul 2021 jyldyń kórsetkishinen 105 myń gektarǵa artyq.

Osy jyly egis jumystaryn júrgizýge (aqpan – maýsym kezeńine) 400,2 myń tonna kóleminde dızel otyny bólindi. Bul ótken jyl­men salystyrǵanda 20 myń tonnaǵa artyq.

Eseptik derekterge sáıkes tuqym sebý jospary tolyqtaı oryndaldy. Tuqym tap­shylyǵy, onyń ishinde reseılik seleksııasy boıynsha tapshylyq baıqalmady.

Oblys ákimdikteriniń derekteri boıynsha, bıyl shamamen 670,2 myń tonna tyńaıtqysh engizý josparlanǵan. Kórsetkish ótken jyl­men salystyrǵanda 43,7 myń tonnaǵa artyq. 7 maýsymdaǵy jaǵdaı boıynsha agrarshylarǵa 396,1 myń tonna mıneraldy tyńaıtqyshtar tıeldi. Barlyǵy 478,3 myń tonna mıneraldy tyńaıtqyshtardy tıeýge sharttar jasaldy. Qalǵan josparlanǵan tyńaıtqysh kólemi kúzde engiziledi.

Bıyl «Agrarlyq nesıe korporasııasy» jelisi boıynsha kóktemgi egis jáne egin jınaý jumystaryna 140 mlrd teńge qaras­tyrylǵan. Bul jerde qosymsha 70 mlrd teńge kólemindegi qarjy Úkimet tarapynan berilgenin atap ótý qajet. Búginde «Keń dala» baǵdarlamasy aıasynda 84,1 mlrd teńgege 3 myńnan astam aýyl sharýashylyǵy taýar óndirýshi qarjylandyrylǵan. Atalǵan baǵdarlama boıynsha, onyń ishinde ósimdikti qorǵaý is sharalaryn júrgizýge, sondaı-aq egin jınaý jumystaryna nesıelendirý jalǵa­satyn bolady.

Búginde «Azyq-túlik kelisimshart kor­pora­sııasy» forvardtyq satyp alý sheń­be­rinde 80 mlrd teńgege 303 aýyl sharýa­shy­lyǵy taýaryn óndirýshiniń 441 ótinimin qar­jylandyrdy.

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar