Polısııa málimetinshe, Ǵabdýlın kóshesinde er adam 61 jastaǵy áıelge shabýyl jasap, ámııanyn tartyp alǵan. Kýáger 37 jastaǵy elorda turǵyny Qanaǵat Hasenov bolǵan. Ol jábirlenýshi tonalǵanyn birden túsingen. Sóıtip, ol qaraqshyǵa qaraı júgirgen.
«Áıeldiń kómek suraǵan aıqaıyn estidim. Artqa burylyp qarasam, Otyrar kóshesine qaraı júgirip bara jatqan adamdy kórsetip tur eken. Birden qaraqshynyń sońynan júgirdim», dedi Qanaǵat.
Ol qýyp jetip, er adamdy jerge qulatqan. Alaıda shabýyldaýshy qarsy turǵan.
Bul ýaqytta «Baıqońyr» aýdanynyń ýchaskelik polısııa ınspektory Rýslan Ábilqaıyrov óziniń ákimshilik ýchaskesin aralap júrgen. Kóshedegi tóbeles onyń nazaryn aýdarǵan, osylaısha ol janjalǵa aralasqan. Sóıtip, polıseı kúdiktini ustaǵan.
Qazir kúdikti Nur-Sultan PD ýaqytsha ustaý ızolıatoryna qamaldy, sotaldy tergeý júrgizilip jatyr. Tergeý barysynda kúdikti jábirlenýshini baqylap, keıin áıeldiń aıyrbastaý pýnktinde aqsha aýystyrǵanyn kórgeni anyqtalǵan. Sondaı-aq, 31 jastaǵy er adamnyń buryn sottalǵany belgili boldy.
