Foto: Týrızm jáne sport mınıstri
Chempıondy jankúıerler, týǵan-týystary jáne sport salasynyń ókilderi kútip aldy. Erbol Hamıtov pen ulttyq quramanyń sportshylaryn Týrızm jáne sport mınıstri Erbol Myrzabosynov jáne Ulttyq paralımpıada komıtetiniń ókili Bahyt Saparov quttyqtady.
«Búgin – elimiz úshin qýanyshty kún. Tarıhymyzda alǵash ret Paralımpıada oıyndarynda para bıatlonnan altyn medal jeńip alyp, oǵan qosa bir Paralımpıadada eki birdeı medal enshiledik. Bul nátıje – eren eńbek pen tyńǵylyqty daıyndyqtyń, myqty rýhtyń kórinisi. Osy oıyndarǵa ulttyq qurama 7 sportshymen 2 sport túrinen qatysyp, jalpykomandalyq esepte 18-orynǵa turaqtady. Sportshylardyń árqaısysy el namysyn abyroımen qorǵady. Biz sizdermen maqtanamyz», dedi Erbol Myrzabosynov.
Is-shara barysynda demeýshilik tanytqan qurylys kompanııasy Erbol Hamıtovqa eki bólmeli páterdiń kiltin tabystady.
Erbol Hamıtov – Paralımpıada júldegeri!
О́z kezeginde sportshy da jankúıerlerine alǵysyn bildirip, arman-maqsatqa adal bolý kerek ekenin atap ótti. Ol bul jetistik aldaǵy ýaqytta budan da úlken nátıjelerge jetýge motıvasııa beretinin aıtty.
Aıta keteıik, 6-15 naýryz aralyǵynda Italııanyń qalalarynda qysqy Paralımpıada oıyndary ótti. Dúbirli dodaǵa álemniń 55 elinen 600-den astam sportshy qatysyp, 79 medal jıyntyǵy sarapqa salyndy.
