Bul ózgeristi kórse de kóp adam mán bergen joq, artynan ınternet keldi, jazý máneri ózgerdi, eki býyn arasyndaǵy dástúr úzildi, leksıkalyq qor baıydy, qımyl-qareket basqa ataýlar tapty.
Eshkim eshteńe ańǵaryp úlgergen joq, jańa zaman ornady da qaldy. Búgingi baspasózden, jalpy, BAQ-tan shuraıly til ketti. Sarashylar qunarly mátin kórse, jaý kórgendeı álemtapyraq bolady. Tehnologııa bizden ýaqytymyzdy tartyp alyp jatyr. Kúnimiz smartfonǵa qarap qaldy. Tikeleı tildesý joıyldy. Áleýjelilerdi ashsań, kúni-túni bitpeıtin bir karnaval. Shoý. Oıyn-toı.
Biraq kózsiz batyrlar da bar eken. Búgingi zamannyń aqkóńil, adal júrekti don-kıhottary da bar bolyp shyqty. Aǵysqa qarsy júzetin júrek jutqandar da bar eken. Men Bolat Sharahymbaı boıyndaǵy, qalamynyń ushyndaǵy shynaıylyqty, adaldyqty asa joǵary baǵalaımyn.
Qazir senetin avtor joq, bári basqa bir qýlyq-sumdyqtarmen aýyz jalasyp jatyr.
Jazǵanynyń jartysy ótirik. «Jalǵan sopy sýdyń sory» degendeı, Máshhúr Júsip. Mátinnen shynaıylyq ketti. Tehnıkalyq talaptardy meńgergen, stılderdi ıgergen kásibı de kánigi qalamdas áriptester bir shoǵyr.
Saıası oıyndar ádebı oıyndarǵa deıingi dıapazondy qamtydy. Kúsheıdi. Marapat ta oıyn, mahabbat ta oıyn, qyzmet te oıyn. Sáıkesinshe, qos tarapta – tolǵan oıynshylar. Bolat – naǵyz, taza kósemsózshi. Ol qoǵam aldyna ótkir másele qoıa biledi. Jarııalaǵan dúnıeleri talqyǵa túsip jatady. Jáne bári shynaıy, jasandylyq joq. Shyn degen sóz qoldanylmaı ketkeli qashan, adamdar mazmuny men maǵynasyn umytyp qalǵan tárizdi. О́ıtkeni shynyńdy aıtsań, bizdiń qoǵam kúledi. Sondyqtan bir-birińe jalǵan sóıleseń, kólgirsiseń áldeqaıda tıimdirek. Kitaby shyn nıet, aq tilekpen jazylǵany kórinip tur. Tereń maǵynaly maqalalarǵa toly. Mańyzy zor. Ulttyq máseleler, eldik taqyryptar, avtordyń pozısııasy ashyq, eshteńe jasyrmaıdy, naqty, nyq, ol – eline, ultyna eshqashan ótirik aıta almaıdy.
Dıdar AMANTAI
