«Táýelsiz Qazaqstan memleketi otyz jyldan astam ýaqyt bederinde damýdyń durys baǵytyn tańdaı bildi. Sondyqtan da elde qolǵa alynyp jatqan saıası reformalardy bizdiń uıym qos qoldap qoldaıdy. Búgin Memleket basshysy Qasym-Jomart Toqaevpen kezdesýdiń sáti tústi. Júzdesý barysynda Prezıdent elde táýelsiz memleketti damytý jolynda atqarylyp jatqan jumystardyń mańyzyn túsindirip, alǵa qoıǵan maqsattarymen bólisti. Eldegi jalpyhalyqtyq referendýmnyń sátti ótkeninen de habardarmyz. Qysqasy, BUU Qazaqstandaǵy qolǵa alynǵan barlyq jumysty qýattaıdy.
Eldegi saıası reformalar jıyntyǵy adam quqyqtary boıynsha halyqaralyq normalar men standarttarǵa saı júzege asyrylatyndyǵyna senemin. Bılik azamattyq qoǵammen birlesip, aýqymdy jumystardy júzege asyrýy kerek. О́ıtkeni azamattyq qoǵammen baılanys qaı kezde de úzilmeýi tıis», dedi BUU Bas hatshysynyń birinshi orynbasary óz oıyn bildirip.
Kezdesý barysynda ózge de máseleler boıynsha pikir bildirgen Amına Muhammad eldegi reformalar qazaqstandyqtardyń kóńilinen shyǵatyndyǵyna senim bildirdi.
