Medısına qyzmetkeri kúnin merekeleý qarsańynda jáne Prezıdenttiń «Jańa Qazaqstan» ıdeıasynyń sheńberinde iske asyrylatyn is-sharanyń uıymdastyrýshylary Densaýlyq saqtaý mınıstrligi jáne «ALTYN SHIPAGER» ulttyq medısınalyq syılyǵynyń uıymdastyrý komıteti.
Sammıtke Prezıdent ákimshiligi, Úkimet músheleri, eldiń medısına jurtshylyǵynyń ókilderi, bıznesmender, densaýlyq saqtaý salasyndaǵy otandyq jáne sheteldik sarapshylar qatysady.
«Medısınalyq sammıt barysynda dárilik zattar, medısınalyq jabdyqtar, medısınalyq maqsattaǵy buıymdar óndirýshileriniń, ımporterlerdiń jáne dıstrıbıýtorlardyń, farmasevtıkalyq kompanııalardyń, medısınalyq mekemelerdiń, memlekettik jáne memlekettik emes uıymdardyń, medısına salasynda jumys isteıtin qyzmetkerlerdiń, ǵylymı ınstıtýttardyń, zerthanalardyń jáne taǵy basqalardyń qatysýymen respýblıkalyq aýqymdy kórme ótedi», delingen habarlamada.
Sondaı-aq, otandyq jáne sheteldik spıkerlerdiń, medısına salasyndaǵy, menedjment jáne densaýlyq saqtaý júıesin strategııalyq damytý salasyndaǵy sarapshylardyń qatysýymen TEDx formatynda «Health&Talks» dıalog alańynyń otyrysy ótedi.
Jyl saıynǵy ALTYN SHIPAGER ulttyq medısınalyq syılyǵy da osy sammıt aıasynda tabys etiledi.
