Ekologııa • 17 Maýsym, 2022

Kaspıı jaǵalaýynan 220 ıtbalyq óleksesi tabyldy

41 ret kórsetildi

QR Ekologııa, geologııa jáne tabıǵı resýrstar mınıstrligine qarasty Balyq sharýashylyǵy komıteti tóraǵasynyń orynbasary Aıan Bahııanov Kaspıı teńizinde ıtbalyqtardyń naqty neden qyrylǵanyn anyqtaý múmkin emes ekenin aıtty, dep habarlaıdy Egemen.kz.

Buǵan sebep - ushalardyń tolyqtaı ydyrap ketýi.

«Ǵylymı uıymdar zertteý júrgizgenimen, ıtbalyqtardyń naqty neden qyrylǵany anyqtalmady. Mamandar ıtbalyqtar sáýir-mamyr aılarynda emes, qańtar-aqpanda ólgen degen qorytyndy shyǵardy. Taǵy bir boljam, ol – qys mezgiliniń óte jyly bolýy. Itbalyqtar muzdyń ústine kúshikteıtini belgili. Bıyl aýa raıy jyly bolyp, muz tez erip ketti. Sondyqtan kúshikter sýǵa túsip ketken. Al jańa týǵan ıtbalyqtardyń terisinde sýdan qorǵaıtyn qabyrshyq bolmaıdy. Búgingi tańda Kaspıı jaǵalaýynan barlyǵy 220 ólekse tabyldy. Onyń 50%-y jańa týǵan ıtbalyqtar», dedi komıtet tóraǵasynyń orynbasary.

Aıan Bahııanovtyń aıtýynsha, tabylǵan ólekselerdi zertteý kezinde, ıtbalyqtardyń denesinde qoldan jasalǵan jaraqattar bar ekeni anyqtaldy.

«Tabylǵan birneshe ıtbalyqtyń basy jáne ózge de músheleri qasaqana kesip alynǵan. Bizdiń boljam boıynsha janýarlar zańsyz balyq aýlaý quraldardaryna túsken. Al brakonerler óz qylmysyn jasyrý úshin ıtbalyqtardyń basyn kesip tastaǵan», dep túsindirdi Aıan Bahııanov.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar