EKSPO-2017-niń qurylys jumystary bastaldy

Memleket basshysy Nursultan Nazarbaev «Astana EKSPO-2017» kórme kesheniniń kapsýlasyn salý rásimine qatysty, dep habarlady Prezıdenttiń baspasóz qyzmeti. Memleket basshysy «Astana EKSPO-2017» kórme keshenin sa­lý ju­mystarynyń kestesimen ta­nysty, sondaı-aq, kapsýla salyp, qu­rylys jumystaryn bas­tap berdi. Nursultan Nazarbaev Astana qalasynyń máslıhat depýtattarymen, negizgi merdiger uıymdar basshylarymen jáne ınvestorlarmen áńgimelesti. О́z sózinde Memleket basshysy búgin EKSPO-2017 nysan­da­rynyń qurylys jumystarynyń bastalǵanyn atap ótti. – 2017 jyly elordamyzdyń jıyrma jyldyǵy kórmeniń ashylýymen tuspa-tus ke­ledi. Osy jyldar ishinde men Astananyń kóptegen nysan­darynyń qu­ry­lysyn bas­tap berdim, al biraq dál mundaı nysandy biz salǵan emespiz. Bul is júzinde Astananyń biregeı ınnovasııalyq ǵımarattary bar jańa ortalyǵy bolady. Bul rette nysandardyń basym kópshiligi jeldiń kúshin, kún jáne ózge qýat kózderin qamtıtyn «jasyl» energııamen qamtamasyz etiletin bolady. Keshen Nazarbaev Ýnı­versıteti úshin bazaǵa aınalady, onyń stýdentteri men ǵalymdary jańa tehnologııalar ázirleı alatyn bolady, – dedi Qazaqstan Prezıdenti. Nursultan Nazarbaev keshen quramynda 4 myń páter, ja­ńa qonaqúı, Kongress-holl, son­daı-aq, uzyndyǵy 500 metrlik «jabyq qala» salý josparlanyp otyrǵanyn aıtty. – Jabyq aımaqta oıyn-saýyq jáne saýda oryndary ornalasady. Basty pavılonnyń ózi dıametri 80 metr jáne bıiktigi 100 metr shar pishindes bolady, onda halyqaralyq pavılondar ornalasady. Buǵan qosa, barlyq qajetti nysandary bar alleıa jasalady. Jalpy, keshendi salýǵa óte kóp qurylysshy qatysady, shaǵyn jáne orta bıznestegiler kóptegen jumys oryndaryn asha alady. Bul oraıda negizgi maqsat – qurylysqa qazaqstandyq merdiger uıymdardy tartý. Bul úshin olarǵa óz deńgeılerin kóterýge, joǵary sapa men kásibı sheberlikterin kórsetýlerine týra keledi, – dedi Memleket basshysy. Qazaqstan Prezıdenti EKSPO-2017 álemdik qoǵamdas­tyq­qa elordamyzdyń da, kúlli eli­mizdiń de jetistikterin kórsetýge múmkindik beretinin jetkizdi. – Kórmeniń ózin ótkizýmen qatar, biz baı mádenıetimizdi, tarıhymyz ben ónerimizdi kórsetýge tıispiz. Osynyń barlyǵy Úki­mettiń, qala ákimdiginiń, bar­lyq mınıstrlikter men vedomstvo­lar­dyń zor úılesimdi jumysyn talap etedi. Biz bul mańyzdy mindetti at­qa­ra alamyz jáne álem aldynda múl­de jańa sapada kórinemiz dep senemin, – dedi Nursultan Nazar­baev. Negizgi qurylys-montaj ju­mys­tary 2014 jylǵy mamyrdan 2016 jylǵy jeltoqsanǵa deıin josparlanǵan. «Astana EKSPO-2017» kórme kesheniniń jal­py aýmaǵy – 174 gektar, munda aý­maǵy 1 mıllıon sharshy metr­den astam nysandar qurylysy jos­parlanyp otyr. Kórme aımaǵynda Qazaq­stan­nyń Ulttyq pavılony, halyq­aralyq, taqyryptyq jáne korporatıvtik pavılondar, saýda jáne oıyn-saýyq nysandary ornalasady. Kórmeden tys aımaqta konferensııa ortalyǵy, baspasóz ortalyǵy, tóbesi jabyq qalashyq, turǵyn úıler men qonaqúıler qurylysy josparlanǵan.