Atalǵan komıtet Qostanaı oblysynyń saýda jelisinde satylatyn ónimderdiń qaýipsizdigin monıtorıngteý qorytyndysy boıynsha «Kofeınmen jáne taýrınmen Flash up energy» (163,3 mg/l) jáne «Monster Energy» (173,72 mg/l) alkogolsiz energetıkalyq gazdalǵan sýsyndardaǵy natrıı benzonatynyń (E211) artqanyn anyqtady.
Sýsyndardy «Baltıka» «Syraqaınatý kompanııasy» JShQ (Reseı Federasııasy) jáne «Refresco Benelux B.V» (Nıderlandy Koroldigi) kompanııasy óndirgen.
О́nimder partııasy satylymnan shyǵaryldy. Al, jetkizýshige ishimdikterdi satý aınalymynan alyp tastaý boıynsha sharalar qabyldaý tapsyryldy.
Ádette azyq-túlikti uzaq ýaqyt saqtaý úshin, taǵamdyq qospalar konservanttar retinde qoldanylady.
Komıtet Reseıdiń «Tutynýshylardyń quqyqtaryn qorǵaý jáne adamnyń ál-aýqatyn baqylaý qyzmetine» (Rospotrebnadzor) osy óndirýshilerdiń ónimderin zerthanalyq kúsheıtilgen baqylaýǵa alý týraly habarlama jiberdi.
